Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
114
вазифаларини бажариши вақтида бахтсиз ҳодиса туфайли тан 
жароҳати олган ва бу ҳақда “Ўзбекинвест ҳаёт” суғурта компанияси 
иштирокида “н-1” шаклидаги далолатнома тузилган . 
“Шеробод” шифохонаси шифокори томонидан берилган 2015 йил
25 майдаги хулосада фуқаро Д .Асомовнинг ишлаб чиқаришда 
олган тан жароҳатлари оғирлик даражасига кўра оғир бўлмаган тан 
жароҳатлар сирасига кириши кўрсатилганлиги сабабли ушбу суғурта 
ҳодисаси бўйича “Ўзбекинвест ҳаёт” суғурта компанияси томонидан 
суғурта товони тўлаб берилмаган .
Фуқаролик ишлари бўйича Зангиота туманлараро судининг
2015 йил 6 октябрдаги ҳал қилув қарори билан “Ятекс” АЖдан фуқаро 
Д .Асомов фойдасига 11 118 136 сўм бир йўла бериладиган нафақа
ва 1 200 000 сўм маънавий зарар ундирилган . 
Ушбу сумма 2015 йил 26 ноябрдаги 384-сонли тўлов топши-
риқномаси билан “Ятекс” АЖ томонидан фуқаро Д .Асомовга тўлаб 
берилган .
Шу сабабли “Ятекс” АЖ судга даъво аризаси билан мурожаат 
қилиб, “Ўзбекинвест ҳаёт” суғурта компаниясидан 11 118 136 сўмлик 
бир йўла тўлаб берилган нафақа ва 1 200 000 сўм маънавий зарарни 
ундиришни сўраган .
Биринчи инстанция судининг 2016 йил 24 мартдаги ҳал қилув 
қарори билан даъво талаблари тўлиқ қаноатлантирилган .
Суднинг бундай хулосага келишига фуқаролик ишлари бўйича 
Зангиота туманлараро судининг 2015 йил 6 октябрдаги ҳал қилув 
қарори асос бўлган .
Бироқ Ўзбекистон Республикаси Вазирлар Маҳкамасининг 
2009 йил 24 июндаги 177-сон қарори билан тасдиқланган “Иш 
берувчининг фуқаролик жавобгарлигини мажбурий суғурта қилиш” 
Қоидаларининг 7-бандига мувофиқ суғурта ҳодисаси муносабати 
билан жабрланувчига (наф олувчига) етказилган маънавий зарар 
мажбурий суғурта қилиш бўйича қопланмайди .
Шу боис Ҳайъат қайд этилган норма талабидан келиб чиқиб, ҳал 
қилув қарорининг 1 200 000 сўм маънавий зарар ундириш қисмини 
бекор қилишни, даъво талабининг ушбу қисмини қаноатлантиришни 
рад этишни лозим топган .

---