Cover page obzor iqtisodiy-last 7B. cdr

3-боб. Кредит, гаров (ипотеКа), лизинг ва суғурта шартномалари
билан боғлиқ ишлар бўйича суд амалиёти
109
“Суғурта фаолияти тўғрисида”ги Ўзбекистон Республикаси Қонуни
9-1-моддасининг иккинчи қисмида кўрсатилишича суғурта агенти 
суғурта фаолияти тўғрисидаги қонун ҳужжатлари талабларига риоя 
этиши, суғурта шартномаси тузишда ва суғурта товони (суғурта пули) 
тўлашда ҳужжатларни ўз вақтида расмийлаштиришга кўмаклашиши 
шарт .
Бироқ якка тартибдаги тадбиркор Алишер Суюнов Бадалович 
томонидан фуқаро Р .Рахимовдан олинган 80 000 000 суғурта 
мукофоти 36 кун ўтгач, яъни 2015 йил 15 апрелда “Суғурта” суғурта 
компанияси кассасига топширилган ва пул маблағи шу куни суғурта 
компанияси ҳисоб рақамига келиб тушган .
2015 йил 28 майда фуқаро Р .Рахимов бошқарувидаги “SPARK” 
русумли автотранспорт воситаси ва фуқаро Б .Умиров бошқарувидаги 
“LASETTI” русумли автотранспорт воситаси тўқнашиши натижасида 
йўл транспорт ҳодисаси содир бўлган . 
натижада “LASETTI” автотранспорт воситасига 3 000 000 сўм зарар 
етган . “Суғурта” суғурта компанияси томонидан 2015 йил 18 августда 
фуқаро Р .Рахимовга берилган суғурта полисига асосан 3 000 000 сўм 
суғурта товони тўлаб берилган .
Шу сабабли “Суғурта” суғурта компанияси судга даъво аризаси 
билан мурожаат қилиб, фуқаро Р .Рахимовга суғурта товони сифатида 
тўлаб берилган 3 000 000 сўм зарарни якка тартибдаги тадбиркор 
Алишер Суюнов Бадаловичдан ундиришни сўраган . 
Биринчи инстанция судининг 2016 йил 24 апрелдаги ҳал қилув 
қарори билан даъво талаби тўлиқ қаноатлантирилган .
Суд даъво талабини қаноатлантиришда Ўзбекистон Республикаси 
Адлия вазирлигида 2003 йил 1 февралда 1213-сон билан рўйхатга 
олин ган “Суғурта агентлари тўғрисида”ги низомнинг 13-бандига 
асосланган .
Мазкур низомнинг 13-бандига мувофиқ суғурта агенти суғурта 
мукофотларини суғурталовчининг ҳисоб рақамига ўтказиш муддатига 
амал қилмаса ёки уларни асоссиз ушлаб турса, ўша даврда суғурта 
ҳодисаси рўй берганда, суғурта қилинувчининг олдидаги суғурта 
товони (суғурта пули) тўлаш бўйича мажбуриятларга суғурта агенти 
жавобгар бўлади .

---