Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
108
Шу боис Ҳайъат қайд этилган ҳолатларни инобатга олиб, ҳал 
қилув қарорини ўзгаришсиз қолдиришни лозим топган .
3.14. суғурта агенти суғурта мукофотларини 
суғурталовчининг ҳисоб рақамига ўтказиш муддатига амал 
қилмаса ёки уларни асоссиз ушлаб турган даврда суғурта 
ҳодисаси рўй берса, суғурта қилдирувчига суғурта товони 
(суғурта пули)ни тўлаб бериш мажбурияти суғурта агентига 
юкланади.
“Суғурта” суғурта компанияси ва суғурта агенти якка тартибдаги 
тадбиркор Алишер Суюнов Бадалович ўртасида 2015 йил 18 май-
да 16-сонли агентлик шартномаси тузилган бўлиб, унга кўра якка 
тартибдаги тадбиркор Алишер Суюнов Бадалович “Суғурта” суғурта 
компанияси томонидан ваколат доирасида кўрсатиладиган суғурта 
хизматларини кенг ёйиш бўйича топшириқларини бажариш, 
шунингдек, суғурта қилдирувчилардан суғурта полисларини сотиш 
ва суғурта мукофотларини қабул қилиш мажбуриятини ўз зиммасига 
олган . 
Шартноманинг 2 .2 .12-бандида якка тартибдаги тадбиркор 
Алишер Суюнов Бадалович нақд пулда қабул қилинган суғурта 
мукофотларини шу куннинг ўзида банк муассасаси ёки суғурталовчи 
кассасига топшириши, 2 .2 .13-бандида эса суғурта мукофотлари 
нақд пулсиз кўринишда якка тартибдаги тадбиркор Алишер Суюнов 
Бадаловичнинг ҳисоб рақамига келиб тушганда, ушбу пулларни улар 
келиб тушган куннинг эртасидан кечиктирмасдан тўлиқ ҳажмда 
“Суғурта” суғурта компаниясининг ҳисоб рақамига ўтказиши шартлиги 
белгиланган .
Якка тартибдаги тадбиркор Алишер Суюнов Бадалович томонидан 
2015 йил 29 майда фуқаро Р .Рахимовга транспорт воситалари 
эгаларининг фуқаролик жавобгарлигини мажбурий суғурта қилиш 
бўйича суғурта полиси сотилган ва 80 000 000 сўм миқдорида суғурта 
мукофоти олинган . 

---