Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
116
Шу сабабли “нодира” хусусий корхонаси судга даъво аризаси 
билан мурожаат қилиб, “капитал суғурта” суғурта компаниясидан 
етказилган зарар учун 60 000 000 сўм суғурта товони ундиришни 
сўраган .
Биринчи инстанция судининг 2016 йил 17 майдаги ҳал қилув 
қарори билан даъво талабини қаноатлантириш рад этилган .
Суднинг бундай хулосага келишига шартноманинг 4 .1
ва 4 .2-банд ларида суғурта нарсасидан фойдаланишда йўл-ҳаракати 
қоидалари талабларининг бузилиши ва носоз транспорт воситасидан 
фойдаланилганлиги ҳолати суғурта товонини тўлашдан озод этилиши 
белгиланганлиги асос бўлган .
Бироқ шартноманинг 4 .1 ва 4 .2-бандларида суғурта нарсасидан 
фойдаланишда йўл-ҳаракати қоидалари талабларининг бузилиши 
ва носоз транспорт воситасидан фойдаланилганлиги ҳолати суғурта 
товонини тўлашдан “капитал суғурта” суғурта компаниясини 
озод этиши, йўл носозлиги сабабли шина ёрилиши натижасида 
автотранспорт воситасига етказилган зарар қопланмаслиги 
белгиланган .
Шунингдек, Фк 955-моддасининг биринчи қисмига мувофиқ 
суғурталовчи мулкий суғурта шартномаси бўйича суғурта 
қилдирувчига (наф олувчига) суғурта товонини ёки шахсий суғурта 
шартномаси бўйича суғурта пулини тўлашни қуйидаги ҳолларда рад 
этишга ҳақли, чунончи:
суғурта шартномасининг амал қилиши суғурта ҳодисаси юз 
бергунга қадар, шу жумладан ушбу кодекснинг 948 ва 950-модда-
ларида кўрсатилган асослар бўйича бекор қилинганда;
суғурта шартномаси ушбу кодексда ёки бошқа қонунларда 
назарда тутилган асослар бўйича ўз-ўзидан ҳақиқий бўлмаганда;
суғурталовчи ушбу кодекснинг 951-954-моддаларида кўрсатилган 
асослар бўйича суғурта товонини ёки суғурта пули тўлашдан озод 
қилинганда;
суғурталовчи ушбу кодексда ёки бошқа қонунларда назарда 
тутилган асослар бўйича суғурта шартномасини ҳақиқий эмас 
деб топиш тўғрисида ёхуд суғурта қилдирувчи (наф олувчи) 
суғурта ҳодисаси ҳолатларини текшириб кўришга ёки етказилган 

---