Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
34
олинганлиги ҳисоб-фактуралар билан ўз тасдиғини топган . Бундан 
ташқари, “навоий” МЧЖ ва “Зарафшон” МЧЖ ўртасида 2016 йил
14 июлда имзоланган ўзаро ҳисоб-китоб таққослаш далолатно-
масида “Зарафшон” МЧЖ 29 500 000 сўм қарздорликни тан олган .
Шу боис Ҳайъат ҳал қилув қарорини бекор қилиб, даъво 
талабини тўлиқ қаноатлантиришни, “Зарафшон” МЧЖдан “навоий” 
МЧЖ фойдасига 29 500 000 сўм асосий қарз ундиришни лозим топган .
1.12. ер участкасига бўлган сервитутнинг белгиланиши 
кўчмас мулк билан боғлиқ ҳуқуқий муносабатни келтириб 
чиқариши сабабли у давлат рўйхатидан ўтказилиши лозим.
“Турон-С” МЧЖ ва “Техник хизмат” МЧЖ ўртасида 2015 йил
22 сентябрда 2-сонли олди-сотди шартномаси тузилган бўлиб, унга 
кўра “Турон-С” МЧЖ ўзига мулк ҳуқуқи асосида тегишли бўлган 
Сурхондарё вилоят, Сариосиё тумани, Термизий кўчаси, 10-уйда 
жойлашган умумий майдони 44 638 кв .м . ер участкасида жойлашган 
бинонинг бир қисмини “Техник хизмат” МЧЖга сотган .
“Турон-С” МЧЖ ва “Техник хизмат” МЧЖ ўртасида 2015 йил
2 октябрда тузилган топшириш-қабул қилиш далолатномасига асосан 
“Техник хизмат” МЧЖ бинони “Турон-С” МЧЖдан қабул қилиб олган .
кейинчалик, “Техник хизмат” МЧЖ “Турон-С” МЧЖга нисбатан 
судга даъво аризаси билан мурожаат қилиб, бинога кириб чиқишнинг 
имконияти йўқлиги сабабли, “Техник хизмат” МЧЖга ўзганинг ер 
участкасидан чекланган тарзда фойдаланиш ҳуқуқини (сервитут) 
беришни сўраган .
Биринчи инстанция судининг 2017 йил 16 октябрдаги ҳал қилув 
қарори билан даъво талабини қаноатлантириш рад этилган .
Суднинг бундай хулосага келишига “Техник хизмат” МЧЖ
ва “Турон-С” МЧЖ ўртасида тузилган 2015 йил 4 октябрдаги серви-
тут шартномаси мавжудлиги асос бўлган .
Фк 173-моддасининг биринчи-тўртинчи қисмларига мувофиқ 
кўчмас мулк (ер участкаси, бошқа кўчмас мулк) эгаси қўшни ер 
участкасининг эгасидан, зарур ҳолларда эса, бошқа ер участкасининг 

---