Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
260
Шу сабабли Ҳайъат биринчи инстанцияси суди томонидан 
жиноят ишлари бўйича суднинг 2016 йил 16 майдаги маъмурий 
жавобгарликка тортиш тўғрисидаги қарорига асосан текшириш 
вақтида олиб қўйилган жавобгарга тегишли 4 450 000 сўмлик товар 
моддий бойликлари давлат даромадига мусодара қилинганлигига 
эътибор бермаган, деб ҳисоблаб, ДСИ аризасидаги арз қилинган 
талабнинг бу қисмини қаноатлантиришни рад этишни лозим топган .
7.10. текшириш далолатномасида кирим ҳужжатлари 
бўлмаган товарларнинг далилий ашё сифатида олиб 
қўйилганлиги ҳақидаги маълумотларнинг қайд этилганлиги 
маъмурий ҳуқуқбузарлик тўғрисида иш қўзғатилганлигини 
англатмайди ва бу ҳолат суд томонидан солиқ кодекси 
114-моддасининг иккинчи қисмини қўллашга асос бўлмайди.
Вилоят Бозорлар ва савдо комплекслари фаолиятини назорат 
қилиш бош бошқармасининг 2016 йил 12 майдаги буйруғига 
асосан “Зебо” хусусий корхонасига (кейинчалик мисол матнида 
”Хусусий корхона” деб юритилади) қарашли савдо дўконида 
савдо қоидаларига риоя қилиниши юзасидан қисқа муддатли 
текшириш ўтказилган . Текширишда сотувчи томонидан харидорга
26 000 сўмлик хўжалик моллари учун нкМ чеки берилмаганлиги 
ҳамда 5 350 000 сўмлик товар моддий бойликларининг кирим 
ҳужжатлари йўқлиги аниқланган . Текшириш жараёнида кирим 
ҳужжатлари бўлмаган товар моддий бойликлари далилий ашё 
сифатида олиб қўйилган . Бу ҳақда қонун ҳужжатларида белгиланган 
тартибда далолатнома расмийлаштирилган . 
Солиқ текшируви материаллари кўриб чиқилиб, натижаси 
бўйича қарор қабул қилинган . Мазкур қарорга асосан Хусусий 
корхонага Солиқ кодекси 114-моддасининг биринчи қисмига
асосан 5 350 000 сўм, 119-моддасининг биринчи қисмига асосан 
3 907 200 сўм молиявий жаримани ихтиёрий тўлаб бериш тавсия 
этилган .

---