Cover page namunalar app curves cdr

109-модда. Иш юритишни тугатиш тартиби 
ва оқибатлари
А Ж Р И М
(иш юритишни тугатиш ҳақида)
2018 йил 25 апрель куни____________ -сонли ишни___________туман
маъмурий суди ўз биносида,
судья З.Алимованинг раислигида,
Д.Сабированинг 
котиблигида, 
__________
туман 
прокурори
ёрдамчиси А.Розиқов, аризачи С.Рауфов, жавобгар вакили А.Сотволдиев 
иштирокида, аризачи якка тартибдаги тадбиркор С.Рауфовнинг
жавобгар__________ туман давлат солиқ инспекциясининг 2016 йил 1
декабрдаги 105-сонли қарорини ҳақиқий эмас деб топиш ҳақидаги 
аризаси бўйича юритилаётган ишни очиқ суд мажлисида кўриб чиқиб, 
қуйидагиларни
А Н И Қ Л А Д И:
Якка тартибдаги тадбиркор С.Рауфов (бундан буён матнда аризачи
деб юритилади)__________ туман давлат солиқ инспекциясининг (бундан
буён матнда жавобгар деб юритилади) 2016 йил 1 декабрдаги 105-сонли 
қарорини ҳақиқий эмас деб топишни сўраган.
Суд мажлисида аризачи аризада баён этилган важларни қўллаб- 
қувватлаб, уни тўлиқ қаноатлантиришни сўради.
Жавобгар вакили аризачи 2017 йил февраль ойида жавобгарга 
нисбатан хўжалик судига мурожаат қилиб, 2016 йил 1 декабрдаги 
105-сонли қарорни ҳақиқий эмас деб топишни сўраганлиги, иш хўжалик 
судида мазмунан ҳал қилинганлигини маълум қилиб, суд қарорларини 
тақдим қилди.
Суд ишда иштирок этувчи шахсларнинг тушунтиришларини, 
прокурор фикрини тинглаб, иш ҳужжатларини ўрганиб, қуйидагиларга 
кўра иш юритишни тугатишни лозим деб топади.
Ўзбекистон Республикаси Маъмурий суд ишларини юритиш тўғ- 
рисидаги кодекси 108-моддасининг 2-бандига мувофиқ суднинг айни 
бир шахслар ўртасидаги, айни бир предмет тўғрисидаги ва айни бир 
асослар бўйича низо юзасидан қонуний кучга кирган ҳал қилув қарори 
мавжуд бўлса суд иш юритишни тугатади.
231

---

Ишга тақдим этилган ҳужжатларга кўра, аризачи жавобгарга 
нисбатан 2016 йил 1 декабрдаги 105-сонли қарорни ҳақиқий эмас
деб топишни сўраб 2016 йил 12 декабрда__________ вилоят хўжалик
судига мурожаат қилган. Ушбу и ш __________ вилоят хўжалик судида
2017 йилнинг 5 январида кўриб чиқилиб, аризачининг жавобгарга 
нисбатан 2016 йил 1 декабрдаги қарорни ҳақиқий эмас деб топиш 
ҳақидаги аризасини қаноатлантиришни рад этиш ҳақида ҳал қилув 
қарори қабул қилинган. Ушбу суд қарори бугунги кунда қонуний кучда 
бўлиб, бекор қилинмаган. Бундай ҳолатда суд маъмурий иш бўйича 
иш юритишни тугатишни, Ўзбекистон Республикаси Маъмурий суд 
ишларини юритиш тўғрисидаги кодекси 115-моддасининг биринчи 
қисмига кўра суд харажатлари ишда иштирок этувчи шахсларнинг 
қаноатлантирилган талаблар миқдорига мутаносиб равишда уларнинг 
зиммасига юклатилишини инобатга олиб тўланган давлат божи ва суд 
харажатларини аризачи зиммасида қолдиришни лозим топади.
Юқоридагилардан келиб чиқиб ва Ўзбекистон Республикаси 
Маъмурий суд ишларини юритиш тўғрисидаги кодексининг 108, 115, 
168 ва 169-моддаларини қўллаб, суд
А Ж Р И М Қ И Л Д И :
якка тартибдаги тадбиркор С.Рауфовнинг__________ туман давлат
солиқ инспекциясининг 2016 йил 1 декабрдаги 105-сонли қарорини 
ҳақиқий эмас деб топиш тўғрисидаги аризаси бўйича иш юритиш 
тугатилсин.
Ажрим устидан 20 (йигирма) кун ичида апелляция тартибида 
шикоят бериш (протест келтириш) мумкин.
Судья 
З.Алимова

---