Цитология эмбриология проф. Қ. Р. Тўхтаев таҳрири остида

Ҳужайра ўлими
. Ҳужайра ўлимининг икки асосий турини ажратиш 
мумкин: некроз ва апоптоз (расм 2.16). 

---

107 
Расм 2.16. Ҳужайра ўлими. А – некроз. Б – апоптоз. 
Некроз кўпинча ташқи шикастловчи омиллар таъсирида юз беради. 
Бу омиллар бевосита ѐки билвосита мебрана тузилмаларининг 
ўтказувчанлигига таъсир кўрсатади. Натижада ҳужайра тузилмалари ва 
улар функциясининг кетма-кет бузилиши рўй беради. Лизосомал 
ферментларнинг фаоллашуви туфайли ҳужайра органеллалари ва 
плазмолемма лизисга учрайди. Ҳужайра ичи моддалари атрофдаги 
тўқималарга чиқиб у ерда яллиғланиш жараѐнларини чақириши мумкин.
Организмда 
ҳужайраларни 
пролиферацияси 
билан 
бирга 
уларни 
дастурлашган ўлими апоптоз жараѐни ҳам муҳим ўрин тутади. Апоптоз 
ҳужайраларнинг генетик бошқариладиган ўлими бўлиб, унинг натижасида 
нуксонли ва қари ҳужайралар нобуд бўлади. Апоптозда ҳужайра ичи 
компонентлари ташқарига чиқмайди. Апоптоз Вс1 - 2 оиласига кирувчи 
цитоплазма оқсиллари билан бошкарилади. Бу оқсиллар митохондриялардан 
ўлим факторларини ташқарига чиқишини таъминлайди. Митохондриялар 
мембраналарини бутунлигини бузилади ва цитохром Сни ташқарига чиқиши 
кузатилади. Цитохром С таъсирида протеолитик ферментлар - каспазалар 
активлашади. Бу ферментлар гурухи ҳужайрадаги барча оқсилларни 
деградацияга олиб келади. Эндонуклеазалар активлашиб, нуклеосомалар 

---

108 
орасидаги ДНК ни фрагментларга парчалайди.Плазматик мембрана 
оқсиллари денатурацияга учрайди, липидларни харакатчанлиги ортиб кетади. 
Ҳужайра бужмайиб, унинг ядроси ва цитоплазмаси фрагментларга ажралади.
Бунинг натижасида апоптотик таначалар ҳосил бўлади. Улар тезда қўшни 
ҳужайралар ѐки макрофаглар томонидан фагоцитоз килинади. Апоптоз 
эмбрионал 
тараққиѐтда 
аъзоларнинг 
шаклланишида, 
тимусда 
лимфоцитларнинг етилишида, овогенезда муҳим рол ўйнайди. Озик 
моддалар етарли бўлмаса, радиация ва бошқа шикастловчи таъсирлар остида 
ҳужайралар вақтидан илгари апоптозга учраши мумкин.