Чизиқсиз ҳаракатланувчи муҳит тезлиги ва диффузиянинг иссиқлик тарқалиш жараёнини компьютерда моделлаштириш

Мавзу бўйича хорижий илмий-тадқиқотлар

Чизиқсиз математик моделларнинг сифат хоссаларини тадқиқ этиш бўйича илмий изланишлар жаҳоннинг етакчи олий таълим муассасалари ва илмий марказлари, жумладан, North Carolina State University, Iowa State University of Science and Technology, University of Central Florida, Louisiana State University, California State University (АҚШ), Universidad de Buenos Aires (Аргентина), Chile University (Чили), Sapienza Universitа di Roma, Universitа degli Studi di Catania (Италия), Osaka, Nagoya, Hiroshima University (Япония), National University of Singapore (Сингапур), Universidad Autónoma de Madrid, Universidad Complutense de Madrid (Испания), Paderborn University, Aachen University (Германия), University of Nottingham, University of Sussex (Буюк Британия), Комен университети (Словакия), Тель-Авив университети (Исроил), Jilin, Chongqing, Changchun University (Хитой), Paris Mathematics Center, Université Paris-Dauphine (Франция), Россия ФА нинг Амалий математика институти, Москва давлат университетида (Россия), Венгрия фанлар академиясига қарашли Ҳисоблаш техникаси ва автоматика институти (Венгрия), Қозоғистон миллий университети, Математика ва математик моделлаштириш институти (Қозоғистон), Т.Шевченко номидаги Луган миллий университети (Украина), Математика ва информатика институти, София университети (Болгария), Ўзбекистон Миллий университети, Самарқанд давлат университет, Урганч давлат университети (Ўзбекистон) да олиб борилмоқда.

Муаммонинг ўрганилганлик даражаси

Манба ёки ютилишга эга чизиқсиз муҳитларда иссиқлик ўтказувчанлик жараёнини математик моделлаштириш назариясида дунё олимлари томонидан қатор муҳим натижалар олинди. Энергия узатиш назариясида иссиқлик узатишнинг чизиқли моделларига хос бўлмаган ўзгача сифат хоссалар борлиги аниқланди. Жумладан,