Chiqindilarni boshqarish

IX. Ekologik normativlar loyihalarining amal qilish muddatlari

53. 
    Ekologik normativlar faoliyat ko‘rsatayotgan ob'ektlar uchun besh yil muddatga belgilanadi.
    
54. 
    Tashlamalar, oqovalar va chiqindilarning miqdor va sifat tavsiflariga ta'sir ko‘rsatadigan texnologik jarayon kengaytirilganda, rekonstruksiya qilinganda, texnik jihatdan qayta jihozlanganda yoki o‘zgarganda, qonunchilik talablari o‘zgarganda, shuningdek atrof-muhitni muhofaza qilish sohasida davlat nazoratini amalga oshiradigan tegishli tashkilotlar qaroriga binoan ekologik normativlar ekologiya oqibatlari to‘g‘risidagi axborot doirasida qayta ko‘rib chiqiladi, so‘ngra ularning amal qilish muddati uch yilga uzaytiriladi.
    
55. 
    Ishlab chiqarish texnologiyasida, foydalanilayotgan xom ashyo tarkibida, tashlamalar, oqovalar, chiqindilar paydo bo‘lishi manbalari sonida, tashlamalar, oqovalar chiqindilar tarkibida, normativ hujjatlarda o‘zgarishlar yuz bermagan ob'ektlarning ekologik normativlari besh yildan iborat bo‘lgan amal qilish muddati o‘tgan taqdirda yana besh yil muddatga uzaytiriladi.
    

Ekologik normativlarning amal qilish muddatini uzaytirish, ilgari ishlab chiqilgan ekologik normativlarning amal qilish muddati tugashidan ikki oy oldin buyurtmachi tomonidan taqdim etilgan so‘rov asosida, tabiatni muhofaza qilish bo‘yicha davlat inspektori tomonidan ob'ektni majburiy ravishda tekshirish natijalari bo‘yicha hamda uning muddatini uzaytirish mumkinligi to‘g‘risidagi yozma asoslashi bo‘yicha amalga oshiriladi.
Ekologik normativlar loyihalarini ishlab chiqish va kelishish tartibi to‘g‘risidagi nizomga
1-ILOVA
Ekologik normativlar loyihalarini ishlab chiqish va kelishish
SXEMASI

Ekologik normativlar loyihalarini ishlab chiqish va kelishish tartibi to‘g‘risidagi nizomga
2-ILOVA
Chiqindilar manbalarini xatlovdan o‘tkazish blankasi

1. 
   Ifloslantiruvchi moddalar ajralib chiqishi manbalari