Chet Tillarini O’rganish Usullari

Chet Tillarini O’rganish Usullari
“Til Qal’asining Qamali”
Muallif Mamurjon Rahimov
O’lkamiz yoshlari bilan o’zimning ko’p yillik til o’rganish tajribamni baham ko’rmoqchiman.
Til o’rganishning yagona va eng afzal usuli yo’q. Til bir qal’aga o’xshatilsa, o’sha qal’ani ishg’ol qilish uchun barcha tarafdan va barcha usullar bilan kirishish darkor. Bulardan ba’zilarini quyida tushuntirib o’tmoqchiman.


So’z Boyligi


Eng ko’p ishlatiladigan so’zlarni o’rganishdan boshlang. So’z boyligi til bilishning asosiy ustunlaridan biridir. Qancha ko’p so’z bilsangiz, gapirishingiz va yozishingiz shuncha ravon bo’ladi. Ayniqsa Inglizchada so’z bilish deganda nafaqat ma’nosini balki yozilishini yodlab qolish kerak, chunki bu tilda juda ko’p so’zlar aytilgani kabi yozilmaydi. Tarihdagi buyuk insonlar ichida, Einstein Amerikaga ilk kelgan paytida uning so’z boyligi atigi 350ta Inglizcha so’zdan iborat bo’lgan ekan, lekin shunga qaramasdan u juda ko’pchilik bilan suxbatlasha olgan va buyuk kashfiyotlar qilishga kirishgan. Albatta yillar osha uning so’z boyligi ortib borganligi shubxasiz, lekin uning avvaliga bu qadar oz so’z bilan muloqot qila olganligining siri – uning Ingliz tilini o’rganishda avvalo eng muhim so’zlarni yod olganidadir. Bu kabi so’zlarni o’z ichiga olgan lug’atlar ham anchagina, lekin siz bunaqasini topolmasangiz – katta lug’attan o’zingiz O’zbekchada eng ko’p qo’llanadigan so’zlarni tarjimasini bir daftarga yozib-o’rganib borishingiz maqsadga muvofiq.

Eng ko’p qo’llanadigan so’zlarni o’z ichiga olgan lu’gatlarni Inglizchada “Frequency Dictionary” deyiladi.


Zamonaviy Texnikadan unumli foydalaning. Biz Inglizchani o’rganayotgan paytta texnika hozirgichalik rivojlanmagan edi, shuning uchun ko’pgina so’zlarning talaffuzini unchalik to’gri chiqara olmas edik. Hozirda so’zlarni talaffuz qilib beradigan electron lug’atlar va kompyuter programmalari ko’payib ketgan. Gapiradigan lu’atlarni SMARTPHONE, ya’ni eng so’nggi uyali AQLLI telefonlarga ham o’rnatish mumkin. Imkon bo’lsa shu texnikalardan foydalanilgan juda yaxshi foyda beradi.