Buyuruvchining farmoni va taqiqiga e’tirozsiz bo’ysunish hamda uni buyurilganidek bajarish

Akromiylar

Taxminan 1997-1999-yillarda Farg’ona vodiysida vujudga kelgan ushbu diniy-siyosiy harakat vakillari yolg’iz Ollohga e’tiqod qilib, Payg’ambarga imon keltirmaydilar. “Akromiylar” bugungi mavjud barcha tuzumlarni tan olmaydi, davlatga qonun-qoidalarga ham, ota-onaga ham emas, faqat oqim sardorlariga bo’ysunish lozim deb hisoblaydilar. Uning asoschisi 1960 yilda Andijon shahrida tug’ilgan Yo’ldoshev Akrom Sotvoldiyevich hanbaliy mazhabi vahhobiylik oqimiga tayanib, 1992 yilda 12 darsdan iborat “Imonga yo’l” deb nomlangan dasturni ishlab chiqqan. Ushbu dasturda oqimning pirovard maqsadida Islom davlatini barpo etishdan iborat ekani ta’kidlangan. O’z harakatlariga nomzodlarni tanlab olish va ularni tayyorlashni besh bosqichdagi maqsadli dastur orqali amalga oshiradilar.

“Nur”chilar jamoasi

Asoschisi turkiyalik Sayid Nursiy bo’lib, asl maqsadi mavjud hokimiyat uchun qarshi chiquvchi o’ta diniy mutassib kishilarni tarbiyalash.

“Nur” jamoasi Ollohning kitobi va Rasulullohning (S.A.V) sunnatlarini hidoyatga boshlovchi dastrulamal qilib olgan. Bu harakat o’ziga ergashgan kishilar qalbida islomiy aqidani uyg’otib, bu bilan Islomga e’tiqod qilish qonun tarafidan jazolanadigan tartibga qarshi kurashishni da’vat etadi. Harakatning asoschisi Badiuzzamon taqvodor, shubhali narsalardan saqlanuvchi shaxs bo’lib, “Seni shubhalantiruvchi narsalarni tark et, shubhasiz narsaga qo’l ur” degan aqidaga amal qilgan. Mazkur harakat faoliyatining asosiy yo’nalishlaridan yana biri ma’rifat tarqatuvchi maktab, litsey va kollejlar tizimini faqat Turkiyada emas, xorijiy davlatlarda ham rivojlantirishdir.
“Tavba”

Ekstremistik ruhdagi harakat bo’lib, uning maqsadi “vahhobiychilik”ni qo’llab – quvvatlash, aholi orasida mavjud konstitutsiyaviy tuzumga qarshi targ’ibot-tashviqot ishlarini olib borish, janglarini o’qitish, ularni moddiy rag’batlantirib turish, respublikada islom davlatini tiklash shiori ostida hokimiyatni hatto terror yo’li bilan egallashdan iborat. Harakatni xorijdagi katta terroristic guruhlar mablag’ bilan ta’minlanishi tabiiy, ammo bundan tashqari ular turli talon-taroj va terror yo’li bilan topilgan mablag’lar bilan ham o’zlarining moddiy ehtiyojlarini qondiradilar.