Buxoro turizm va madaniy meros texnikumi budjet tashkilotlarida buxgalteriya hisobi

bosqich. Joriy yilga moliyaviy natijalar

bosqich. Yakuniy moliyaviy natijalar

Byudjet tashkilotining mablag‘ bilan ta’minlanish yo‘nalishlari bo‘yicha alohida holda faqatgina joriy yilga, ya’ni 1 yanvardan 31 dekabrga bo‘lgan davrdagi daromadlari (byudjet mblag‘lari bo‘yicha esa, amalga oshirilgan kassa xarajatlari) hamda mazkur daromadlar (kassa xarajatlari) hisobidan joriy yilning 1 yanvaridan 31 dekabriga qadar amalga oshirilgan xaqiqiy xarajatlarini o‘zaro taqqoslash (ayirish) hisobiga joriy yilni qanday moliyaviy holat bilan yakunlaganligini aks ettiradi.

Byudjet tashkilotining mablag‘ bilan ta’minlanish yo‘nalishlari bo‘yicha alohida holda o‘tgan yillarni hisobi bilan yig‘ilib kelayotgan daromadlari (byudjet mblag‘lari bo‘yicha esa, amalga oshirilgan kassa xarajatlari) hamda mazkur daromadlar (kassa xarajatlari) hisobidan amalga oshirilgan xaqiqiy xarajatlarini o‘zaro taqqoslash (ayirish) hisobiga yakuniy qanday moliyaviy holatga ega ekanligi bilan yakunlaganligini aks ettiradi.

5.2.1-rasm. Byudjet tashkilotlarida moliyaviy natijalarni aniqlashning bosqichlari

Joriy yilga moliyaviy natijalarni ijobiy ko‘rsatkich bilan yakunlanishi, ya’ni byudjet tashkilotining joriy yilga daromadlarini uning xaqiqiy xarajatlaridan ortiq bo‘lishi, ikki holatni anglatishi mumkin. Jumladan:

a) debitorlik qarzlar vujudga kelgan bo‘lishi mumkin;
b) tashkilotning nomoliyaviy va moliyaviy aktivlarining qoldiq qiymati oshgan bo‘lishi mumkin.
Masalan, byudjet tashkilotining 2011 yil mobaynidagi byudjet mablag‘lari hisobidan amalga oshirgan kassa xarajatlari (232 subschyot krediti summasi) 10,0 mln. so‘mni, uning mazkur davr mobaynidagi xaqiqiy xarajatlari (231 subschyot debet summasi) 9,5 mln. so‘mni tashkil qildi.
Mazkur operatsiyalar natijasida byudjet tashkilotining balansi quyidagicha bo‘lishi mumkin:
a) debitorlik qarz vujudga kelgan bo‘lishi mumkin, ya’ni mablag‘ o‘tkazib berilgan (kassa xarajati amalga oshirilgan), lekin 500.0 ming so‘m miqdorda tovar olinmagan.