Buxoro muhandislik-texnologiya instituti

Xushbo‘y  essensiyalarni  saqlash.
  Essensiyalar  korxonalarga  odatda  hajmi  25 
litrgacha  bo‘lgan  yashiklarga  yoki  savatlarga    joylashtirilgan  shisha  idishlarda 
keltiriladi.    Essensiyalar  yopiq,  qorong‘i  xonalarda,    25  °C  dan  yuqori  bo‘lmagan 
haroratlarda  saqlanishi  lozim. Omborxonalar yaxshi shamollatilishi kerak. 
Suv va osh tuzi 
       Suv.
  Suv  ko‘pgina  oziq-ovqat  mahsulotlari  ishlab  chiqarishda  asosiy  xom 
ashyolardan biri hisoblanadi. Turli ichimlik va taomlarni, non, makaron va qandolat 
mahsulotlarini tayyorlashda ko‘p suv ishlatiladi. 
Oziq-ovqat mahsulotlarini  tayyorlashda ichimlik suvdan foydalaniladi. Korxonalarni 
ta‘minoti  ichimlik  suv  bilan  shahar    vodoprovod  tarmog‘i  orqali  amalga  oshiriladi.  
Bunday  imkoniyat  bo‘lmagan  holda,  Davlat  sanitariya  va  epidemiologiya    nazorati  
tashkilotlari  ruxsatiga    binoan  mahalliy  suv  manbalaridan  (asosan  artezian  quduqlar 
suvidan) foydalaniladi. Oddiy quduqlar, kanal va ariqlar, ko‘llar  suviga ko‘ra chuqur 
qatlamlardan  olingan  artezian  quduqlarining  suvi  ancha  tozaroq,  unda  kamroq 
bakteriyalar  va  aralashmalar  bo‘ladi.  Qaysi  manbalardan    olinganidan    qat‘iy  nazar 
suvning  sifati  standart  (GOST  2874)  talablariga    mos    kelishi    kerak.    U    tiniq, 
rangsiz, ta‘msiz va hidsiz bo‘lishi lozim. Suvning rangi va xiraligi asbob  yordamida  
aniqlanganda    bu    ko‘rsatkichlarni    kattaligi  me‘yorlanadi  (rangi  shartli  20°  dan, 
xiraligi 1,5 mg dan oshmasligi kerak). 

---

26 
 
Suvning  tarkibida    u    yoki  bu  miqdorda  atrof  muhitdan  tushgan  mineral  va  organik 
moddalar  aralashmasi  bor.    Bu  moddalarning  ayrimlari  organizm  uchun  zararli 
bo‘lishi,    boshqalari  esa  suvga  yoqimsiz  ta‘m  va  hid  berishi  mumkin.    Suvda 
mishyak,  azotli  moddalar,  selen  va  shu  kabi  zararli  moddalarning  bo‘lishiga  yo‘l 
qo‘yilmaydi.  Ayrim  moddalarning  miqdori  o‘rnatilgan  me‘yordan    (xloridlar  –  350 
mg/l  ,    sulfatlar  -  500  mg/l  ,    rux  -  5,0  mg/l,    mis  -  1,0  mg/l,    temir  -  0,3  mg/l, 
marganes  -  0,1  mg/l  dan)  oshmasligi  kerak.    Suvning  zararsizlantirish  uchun 
ishlatiladigan erkin xlorning qoldig‘i 0,3 mg/l dan kam va 0,5 dan ko‘p bo‘lmasligi 
lozim. Suvda erigan moddalarning umumiy miqdori (quruq  moddalaning  qoldig‘i) 
1000  mg/l  dan  ko‘p  bo‘lmasligi  kerak.  Ayrim  vaziyatlarda  Davlat  sanitariya  va 
epidemioligiya nazorati organlari ruxsati bo‘yicha suvda bu ko‘rsatgichning kattaligi 
1500 mg/l bo‘lishiga yo‘l qo‘yiladi.