Buxoro muhandislik-texnologiya instituti

 
 
 
 

---

221 
 
16-Mavzu. Yorma mahsulotlari ishlab chiqarish texnologiyasi  
(oqlash bo‘limi). 
Yorma
-qobiqlar, aleyron qatlami va murtagidan tozalangan, qo‘shimcha ishlov 
berilgan butun yoki may-dalangan dondir. Donning qayta ishlash mahsuloti sifatida 
yormalar ishlab chiqarish hajmi va ahamiyati bo‘yicha undan keyin ikkinchi o‘rinni 
egallaydi. Boshoqli donlar, grechixa va dukkakli ekinlardan olinadigan yormalar keng 
tarqalgan oziq-ovqat mahsulotlari hisoblanadi. Yuqori oziqaviylik qiymatiga, mazali 
ta‘mga ega bo‘lganligi tufayli uy sharoitida va umumiy ovqatlanishda turli-tuman 
taomlarni tayyorlash uchun keng qo‘llaniladi. Yormadan parhezbop va bolalar 
ovqatlanishida, oziqaviy konsentratlar va ayrim konservalar tayyorlashda ham keng 
foydalaniladi. Past namlikka (12-15%) ega ekanligi tufayli u odatdagi sovitishni talab 
qilmaydigan omborxonalarda uzoq muddat saqlash va olis joylarga tashish uchun 
yaroqli. 
Yorma ishlab chiqarish texnologik sxemasi quyidagi asosiy bosqishlardan 
iborat: donni aralashmalardan tozalash, o‘lchamlari bo‘yicha saralash, donni oqlash, 
oqlash mahsulotlarini saralash, silliqlash yoki sayqal-lash, tozalash va saralash, 
qadoqlash va joylash.