Buxoro muhandislik- texnologiya instituti

Ehtiyojlarning quyidagi turlari mavjud:
Fiziologik ehtiyojlar - insonning ichki muhitini (gomeostaz) saqlab turish bilan bog'liq ehtiyojlar. Fiziologik nuqtai nazardan inson murakkab biologik tizim bo'lib, unda quvvat, qayishqoqlik, suyuqlik, harorat muhitini saqlab turish kerak. Kishi hayoti davomida o'z resurslarini yo'qotib boradi. Bu resurslarni tiklash uchun esa kishi fiziologik ehtiyojlarini qondirib borishi zarur.
Fiziologik ehtiyojlar quyidagicha tasniflanadi:

• 
  Quvvatga ehtiyoj - energiya sarflanishini boshqaradigan ehtiyoj bo'lib, quvvat beruvchi mahsulotlarni iste`mol qilish asosida qondiriladi.
  
• 
  Qayishqoqlik ehtiyoji - organizm xilma-xil organik va anorganik moddalardan tashkil topgan bo'lib, ularga fermentlar, vitaminlar, minerallar, gormonlar, organik kislotalar kiradi. Ularni inson tanasida to'ldirib turish uchun oziq-ovqat mahsulotlarini iste`mol qilish kerak.
  
• 
  Suvga ehtiyoj - insonning suvga bo'lgan ehtiyoji hisoblanadi. Kishi tanasining ko'p qismi suvdan tashkil topganligi sababli, uni o'rnini to'ldirib turish suyuqlik iste`mol qilib turish kerak. Inson suvga ehtiyojini 2-5 kun qondirmasa nobud bo'ladi.
  
• 
  Haroratni saqlab turishga ehtiyoj - kishi tanasida sodir bo'ladigan jarayonlarni ta`minlaydigan 36,6 darajadagi haroratni saqlab turishga ehtiyoj.
  
• 
  Tashqi ta`sirlardan himoyalanishga ehtiyoj - inson hayoti va salomatligi uchun qulay sharoiò yaratishga bo'lgan ehtiyoj. Kishi tanasiga yuqori yoki past harorat, yuqori namlik, gazlanganlik, quyosh va oddiy radiatsiya, past yoki keragidan ortiqcha yorug'lik, turli boshqa zararlar salbiy ta`sir ko'rsatadi. Inson uchun eng qulay sharoit +20 darajagi harorat, havo namligi 70%, atmosfera bosimi 760 mm rt.st, havo tarkibi: 21% kislorod, 78% azot, 0.03% karbonat angidrit hisoblanadi.
  
• 
  Tana ichki muhitini asrashga ehtiyoj - kishining ichki a`zolarini tashqi zararlardan asrashga bo'lgan ehtiyoji. Bunda inson turli kimyoviy moddalardan va zararli ob`yektlardan saqlanishga harakat qiladi. Ammo hamma vaqt ishlab chiqaruvchi tovarning ekologik tozaligiga e`tibor bermaydi.
  
• 
  Havodagi kislorodga ehtiyoj - kishi tanasidagi jarayonlarning ko'pchiligi kislorod bilan bog'liq bo'lganligi uchun unga nisbatan ehtiyoj. Ushbu ehtiyojni qondirish uchun havodan nafas olish kerak, xolos. Ammo bir qator tovarlar bu ehtiyojni qondirishda bilvosita ishtirok etadilar: konditsioner, ventilyator, sog'lomlashtirish va turistik xizmatlar.