|
beshinchidan, yosh avlod ongiga Vatanga sodiqlik va uning taqdiri uchun daxldorlik hissini singdirishga, ularda yot g‘oya va qarashlarning salbiy ta’siriga nisbatan mafkuraviy immunitetni shakllantirishga qaratilgan chora-tadbirlar etarli darajada samara bermayapti;
oltinchidan, milliy va umuminsoniy qadriyatlarga sodiqlik, diniy bag‘rikenglik va millatlararo totuvlikni mustahkamlash, shuningdek, ekstremizm, terrorizm va boshqa buzg‘unchi g‘oyalarga nisbatan murosasizlikni shakllantirish yuzasidan davlat organlari va jamoat tashkilotlarining faoliyati hamon talab darajasida emas
Mavjud kamchilik-nuqsonlarni bartaraf etish hamda sohani eng zamonaviy tafakkurga ega bo‘lgan, o‘z faoliyatida milliy va umuminsoniy qadriyatlarni uyg‘unlashtira bilgan, milliy g‘oyaga sodiqlik ruhida tarbiyalangan yosh avlodni etkazish maqsadida quyidagilarga alohida e’tibor berish lozim:
Milliy g‘oyani hayotga keng tatbiq etishda amaliy faoliyat tizimini tashkil qilish, tegishli tashkilotlarning milliy g‘oya va yangi O‘zbekiston mafkurasini keng targ‘ib qilishmga erishish, bu sohadagi targ‘ibot-tashviqot ishlarini kuchaytirish va ularning ta’sirchanligini oshirish;
mamlakatimizda milliy g‘oya targ‘iboti va ma’naviy-ma’rifiy ishlarning samaradorligini, ularning hayotiyligi va ta’sirchanligini yanada oshirish maqsadida jamiyatni reideologiyalash konsepsiyasini ishlab chiqish;
milliy g‘oya va mafkura masalasi bilan bog‘liq dolzarb masalalarni, bugungi murakkab mafkuraviy jarayonlarni ilmiy-amaliy jihatdan atroflicha tahlil qilish va baholash, ustuvor yo‘nalishlarni aniqlash, ularning aholi turlari qatlamlariga ta’sirini o‘rganish;
milliy manfaatlarimizga, hayot tarzimizga zid bo‘lgan zararli g‘oyalar va mafkuraviy xurujlarning mohiyatini ochib berishga qaratilgan fundamental, ilmiy-amaliy tadqiqotlar olib borish tizimini yaratish;
aholining keng qatlamlari, avvalambor, yoshlar o‘rtasida Vatanga muhabbat va sadoqat, insonparvarlik fazilatlarini tarbiyalash milliy urf-odat, an’ana va qadriyatlarning hayotimizdagi o‘rni va ahamiyatini har tomonlama olib borishga yo‘naltirilgan suhbat va uchrashuvlar, ma’rifiy tadbirlar o‘tkazish;
bugungi kunda amalga oshirilayotgan davlat siyosatining ustuvor yo‘nalishlari, keng ko‘lamli islohotlarning mohiyati, qabul qilingan qonun hujjatlari va davlat dasturlarining ahamiyatini atroflicha sharhlash va tushuntirish;
yurtimizga qarshi qaratilgan g‘oyaviy va informatsion xurujlar, ularning ortida turgan kuchlarning g‘arazli maqsadlarini fosh qilish, odamlarni hushyorlik va ogohlikka da’vat etish, olimlar siyosatini va mutaxassislar, ijodkorlar, ziyolilar ishtirokida joylarda samarali targ‘ibot tizimini yo‘lga qo‘yish;
ta’lim tizimining ma’naviy-axloqiy va g‘oyaviy mazmunini kuchaytirish, talaba-yoshlarning qalbi va ongiga milliy g‘oyani, xalqimizning yuksak ma’naviyati va insonparvarlik an’analariga sadoqat tuyg‘usini chuqur singdirish, biz uchun mutlaqo yot va begona bo‘lgan g‘oyalarga nisbatan ularda mustahkam immunitet va tanqidiy munosabatni shakllantirish;
el-yurt taqdiriga loqaydlik, mahalliychilik, urug‘-aymoqchilik, korrupsiya, oilaviy qadriyatlarga bepisandlik va yoshlar tarbiyasiga mas’uliyatsizlik kabi illatlarga barham berishga qaratilgan kompleks chora-tadbirlarni amalga oshirish;
geosiyosiy va mafkuraviy jarayonlarni muntazam o‘rganish, terrorizm, ekstremizm, aqidaparastlik, odam savdosi, narkobiznes va boshqa xatarli tahdidlarga qarshi samarali g‘oyaviy kurash olib borish hamda bu borada xalqaro hamkorlik aloqalarini rivojlantirish.
mamlakatimizda ma’naviy-ma’rifiy ishlarning asosiy yo‘nalishlari bo‘yicha davlat organlari, nodavlat tashkilotlar va ishchi (ekspert) guruhlarining bu boradagi faoliyatini muvofiqlashtirish;
milliy manfaatlarimizga, hayot tarzimizga zid bo‘lgan zararli g‘oyalar va ma’naviy tahdidlarning mohiyatini va aholining turli qatlamlariga ta’sirini o‘rganib borish;
Milliy g‘oyani farzandlarimiz ongiga aynan bolalik davridan, bog‘chadan va maktabdan boshlashimiz zarur. Buning uchun tarixni, ajdodlarimiz merosini, dunyo tajribasini, turli xalqlarning yutuq va kamchiliklarini atroflicha o‘rganish kerak.
Aziz farzandlarimiz el-yurtimizning ana shunday yuksak e’tiboriga munosib bo‘lib, o‘z salohiyati bilan, milliy g‘oyamizga sadoqati bilan O‘zbekistonimizni butun dunyoga tarannum etishlariga ishonaman va bu yo‘lda ularga baxt va omad tilayman.
Men ana shu ezgu maqsad yo‘lida barchangizni bir yoqadan bosh chiqarib, belimizni mahkam bog‘lab, vijdonan mehnat qilishga chaqiraman. SHundagina biz xalqimizning ezgu orzusi bo‘lgan milliy g‘oyamizni amalga oshirishga – milliy yuksalishga erisha olamiz
Do'stlaringiz bilan baham: |
