Казус юзасидан саволлар: Масаланинг назарий-доктринал асослари

3-МАСАЛА
Ч. носоғлом оилада вояга етади, ҳарбий хизмат даврида Ч. онаси ва кичик синглисидан мунтазам хат олиб туради. Хатларда отасининг уларга зулм ўтказиши ҳақида ёзилган эди. Таътил даврида Ч. бундай ҳаракатларни отасидан тўхтатишни сўрайди. Шундан сўнг Ч.нинг отаси яхши томонга ўзгаради. Ч. эса таътилдан сўнг ҳарбий хизматни давом эттириш учун жўнайди. Бир ярим ойдан сўнг, яна хат олади ва ушбу хатда отаси олдинги ҳаракатларини яна такрорлаётганини ўқийди.
Аммо бу ҳақида онаси ва синглиси ҳеч кимга мурожаат этмайди. Натижада оиладаги жиноятлар, зўравонликлар яшириниб қолинаверади ва яна бошқа зўравонликлар юзага келади.
Ҳарбий хизматни тамомлаб келгандан сўнг, яна отасини тўғри йўлга чақиради, ҳеч қандай натижа бўлмайди. Ўғли шаҳарга чиқадиган куни яна ичиб олади. Қизи ва онасини ўлдираман деб қувлайди. Шунда Ч. отасининг қўлидаги болтани олиб қўяди ва уни яхши ота бўлишга кўндиришга ҳаракат қилади. Отаси “мени ўлдир ёки мен ўзимни–ўзим ўлдираман”, деб айтади. Шунда Ч. ўзини ушлаб тура олмасдан болта билан бир марта отасининг бошига уриб ўлдиради.
Суд ушбу ишни кўриб чиқиб, суд-психиатрия экспертизасини тайинлайди. Аниқланишича, Ч. жиноят содир этиш вақтида аффект ҳолатида ҳаракат қилганлиги маълум бўлади. Ушбу ҳолат кучли руҳий ҳаяжонланиш ҳолатида қасддан одам ўлдириш деб топилади.
Казус юзасидан саволлар:

1. 
   Масаланинг назарий-доктринал асослари
   

1. 
   Шулардан келиб чиқиб, латент жиноятчиликнинг назарий жиҳатларини таҳлил этинг.
   
2. 
   Латент жиноятчилик тушунчаси ва турлари ҳақида тўхталинг.
   
3. 
   Латент жиноятчилик ҳақида назарий қарашлар борасида нималарни биласиз?
   

2. 
   Муаммоли вазиятга ҳуқуқий ечим топиш бўйича
   

1. 
   Дастлабки зўравонликлар ва ҳаракатлар яширилиб, латентга айланмаганда, Ч. жиноят содир этмасмиди? Бу бор
   
2. 
   ада фикрингиз қандай?
   
3. 
   Мазкур мисолда латентликнинг қайси тури акс этган?
   
4. 
   Жиноятлар латентлигининг турларини мисоллар билан келтиринг.