Buxoro davlat universiteti zoyirova muhabbat sobirovna erkin vohidov ijodida mumtoz adabiyot an

Dissertatsiyaning maqsad va vazifalari. E.Vohidovning aruz vaznida yozilgan g`azallarida mumtoz so’z san’atkorlari Navoiy, Fuzuliy, Bobur ijodidagi an’anaviylikni qiyosan o`rganish, undagi obrazlar xilma-xilligini g`oyaviy-badiiy jihatdan keng tahlil qilish va teran ilmiy yoritish ishning asosiy maqsadi sifatida tanlandi. Ayni shu maqsadni amalga oshirish uchun quyidagi vazifalar belgilandi:

– E.Vohidov ijodini adabiyotshunoslikda o`rganilishini ilmiy tahlil etish;

– E.Vohidov ijodida mumtoz adabiyot an’analarini qanday saqlab qolganligini qiyosan o`rganish;

– Navoiy, Fuzuliy g`azallaridagi g`oya ko`lamdorligining E.Vohidov ijodidagi badiiyati, xos xususiyatlarini ilmiy umumlashtirish;

– Bobur ijodidagi o`ynoqilikning E.Vohidov ijodidagi davomiylik masalasiga munosabat bildirish;

– g`azallarda yetakchi mavzuni tashkil etuvchi yor madhini tasvirlashda gul timsollari, osmon jismlarining aloqadorlik va bog`liqlik mohiyatini aks ettiruvchi hamda badiiy vosita vazifasini ado etganligini qator she’riy parchalar yordamida yoritish;

– turli davrlarda yaratilgan g`azallarda qo`llangan badiiy san’atlarning g’azal badiiyatini oshirishdagi o`rnini qiyosan belgilashga urinish;

– E.Vohidov ijodidagi mumtoz adabiyot an’analarini o’rgangan holda, o`ziga xos jihatlarini yoritish.