Buxoro davlat universiteti zoyirova muhabbat sobirovna erkin vohidov ijodida mumtoz adabiyot an

Dissertatsiyaning nazariy-uslubiy asosi. Milliy istiqlol mafkurasi prezident I.Karimovning mumtoz adabiyot, xususan Navoiy merosiga doir ko`rsatmalari, adabiyotshunoslar A.Hayitmetov, A.Rustamov, N.Komilov, R.Vohidov, I.Haqqulovlarning badiiyat, tasavvuf falsafasi, yangi aruzshunoslikka oid qarashlari dissertatsiya uchun tayanch ilmiy-nazariy asos bo`lib xizmat qildi.

Dissertatsiyaning nazariy va amaliy ahamiyati. Tadqiqot E.Vohidov ijodidagi aruziy g`azallarning badiiy tafakkurga ta’siri jarayonini kuzatish asosida mumtoz adabiyot yo`nalishidagi asarlarga xos qiyosiy-tipologik xususiyatlarini oydinlashtirish hamda umumlashtirish zamirida ma’lum nazariy xulosalarga kelish imkoniyatini kengaytiradi. Ishda bayon qilingan fikr-mulohazalar E.Vohidov, Navoiy, Fuzuliy, Bobur ijodi bo`yicha ish olib borayotgan mutaxassislarga qo`l keladi. Shuningdek, undan badiiy adabiyot mazmunini yanada teran fahmlashga, oliy va o`rta umumta’lim maktablari, akademik litseylar, kasb-hunar kollejlari uchun o`zbek adabiyoti fani bo`yicha darsliklar, o`quv qo`llanmalari yaratish, tavsiyanomalar ishlab chiqishda, maxsus kurslar o`qishda, g`oyaviy-axloqiy, mafkuraviy tashviqot va targ`ibot ishlarida foydalanish mumkin.