Buxoro davlat universiteti oripova nazzora maxmudovna

Tadqiqotning maqsadi jismoniy tarbiya darslarida 13-14 yoshdagi oʼsmirlarning jismoniy rivojlanishi va jismoniy tayyorgarligi darajasini pedagogik nazorat qilishni yanada takomillashtirish yuzasidan taklif va tavsiyalar ishlab chiqish.
Tadqiqot vazifalari:
nazariya va amaliyotdagi maʼlumotlar asosida 13-14 yoshdagi maktab oʼquvchilarining jismoniy rivojlanishi va jismoniy tayyorgarlik darajasini baholashni tahlil qilish va umumlashtirish;
jismoniy rivojlanish va jismoniy tayyorgarlik darajasiga asoslanib, 13-14 yoshdagi oʼquvchilarning jismoniy tayyorgarligini tabaqalashtirilgan holda baholash tizimini ishlab chiqish;
jismoniy tarbiya oʼquv jarayonida 13-14 yoshdagi oʼsmirlarning individual tavsiflarini hisobga olgan holda ularning jismoniy tayyorgarligini pedagogik nazorat qilish xususiyatlarini asoslash;
jismoniy tarbiya darslarida 13-14 yoshdagi oʼsmirlarning jismoniy rivojlanishi va jismoniy tayyorgarligini tabaqalashtirilgan holda baholash uslubiyatini tajribada asoslash.
Tadqiqotning obyekti Navoiy viloyatidagi Konimex tumanidagi 10 va 39, Qoraqalpogʼiston Respublikasi Аmudaryo tumanidagi 22 umumtaʼlim oʼrta maktablarida jismoniy tarbiyani dars jarayoni olingan.
Tadqiqotning predmeti jismoniy tarbiyaga oʼqitishda oʼsmirlarning jismoniy tayyorgarligini pedagogik nazorat qilish tizimi tashkil etadi.
Tadqiqot metodlari. Tadqiqot jarayonida uning maqsad va vazifalariga qaratilgan kuzatuv, ilmiy-uslubiy adabiyotlarni tahlil qilish, anketa-soʼrov, pedagogik nazorat testlari, pedagogik tajriba, antropometrik oʼlchovlar (morfofunktsional kuzatuv usullari), tibbiy-fizologik kuzatuv, tadqiqot natijalarini matematik-statistik tahlil qilish usullaridan foydalanildi.
Tadqiqotning yangiligi quyidagilardan iborat:
13-14 yoshli oʼsmirlarning jismoniy rivojlanish darajasi va tana tuzilishi turlarini hisobga olgan holda jismoniy tayyorgarligi darajasini pedagogik nazorat qilish tizimiga yangi (test oʼtkazishning zarur shart sharoitlarini standartlash) qoidalarni kiritish asosida takomillashtirish imkoniyati kengaytirilgan;
jismoniy tayyorgarlikning har xil darajalariga ega boʼlgan oʼsmirlarning jismoniy tayyorgarligi nuqtai nazaridan pedagogik test natijalarini baholash (torkal, mushakli, astenoid, digestiv turlari boʼyicha) oʼlchovlari ishlab chiqish asosida foydalanish imkoniyatlari takomillashtirilgan;
ismoniy tarbiya darslarida 13-14 yoshdagi maktab oʼquvchilarining jismoniy rivojlanishini va jismoniy tayyorgarligini pedagogik nazorat qilish ularning individual xususiyatlarini hisobga olgan holda diagnostik, axborot va faollik bloklarini ketma-ket bajariladigan harakatlarning algoritmini tizimlashtirish asosida takomillashtirilgan;
13-14 yoshdagi maktab oʼquvchilarining kuch qobiliyatini rivojlantirish davrlari kartasi mushak chiniqishini sezuvchanlik darajalari va turlarini (krizli, kam yoki oʼrta sezuvchanlik, subkritik) tabaqalashtirish asosida takomillashtirish imkoniyatlari kengaytirilgan.