Buxoro davlat universiteti oripova nazzora maxmudovna

II BOB. TADQIQOTNING USLUBLARI VA ULARNI TASHKIL QILINISHI
2.1. §.Tadqiqot usullari
Qoʼyilgan vazifalarni hal qilish uchun quyidagi tadqiqot uslublaridan foydalanildi: ilmiy-uslubiy adabiyotlarni oʼrganish va tahlil qilish, anketa soʼrovnomasi, pedagogik kuzatuv, pedagogik -nazorattestlari, pedagogik tajriba,tadqiqotlar natijalarining matematik -statistik tahlili uslublaridan foydalanildi.
2.1.1.§. Ilmiy-uslubiy adabiyotlarni oʼrganish va tahlil qilish
Bu uslub dissertasiyaning barcha vazifalarini hal etishda universal uslub hisoblanadi. Tadqiqot vazifalarini aniqlash va olingan natijalarni muhokama qilishda ushbu uslub asosiylardan biri boʼlgan. Ushbu uslub maqsadlar qoʼyishga yordam berdi, tadqiqotning ishchi farazini ifodalash va ayrim nazariy xulosalarni asoslashga yordam berdi.
Vazifalar va tadqiqot uslublarini asoslash uchun quyidagi fan sohalari boʼyicha adabiyotlar oʼrganildi: jismoniy tarbiya nazariyasi va metodikasi, pedagogika, psixologiya, anatomiya, fiziologiya, biomexanika, matematik statistika.
Ilmiy-uslubiy adabiyotlarning oʼrganilishi tatqiq qilinayotgan masalaning holati haqida tasavvur hosil qilish, tajriba maʼlumotlarini va mutaxassislarning fikrlarini umumlashtirish va ishchi farazni ifodalashga imkon berdi.
Hammasi boʼlib 150 ortiq,davriy nashrlardagi maqolalar, ilmiy ishlar toʼplamlari, monografiyalar, darsliklar, dissertasiyalarning avtoreferatlari va boshqa adabiyotlardan foydalanildi. Ulardan 130 muallifga ishda havolalar berilgan va ular adabiyotlar roʼyxatida taqdim etilgan.
2.1.2. § Аnketa soʼrovnomasi
Tadqiqot oʼtkazilishiga asos boʼlgan mavzuning dolzarbligini ifodalovchi mazkur savollarning ahamiyatini oʼrganish va tanishish maqsadida oʼrganilayotgan yosh guruhlari oʼquvchilari va Navoiy viloyatidagi umumtaʼlim maktablarining jismoniy tarbiya oʼqituvchilari orasida anketa soʼrovnomasi oʼtkazildi.Ushbu uslub eng qulay va maqsadga muvofiq hisoblanadi.