Buxoro davlat universiteti ijtimoiy iqtisodiy fakulteti

Mavzuning dolzarbligi. Bu asar o’zining tarixiy manba sifatidagi ahamiyati bilan milliy davlatchiligimiz tarixida ulug’ davlat arboblari sifatida qolgan, buyuk saltanatlar barpo etgan buyuk bobolarimiz tomonidan yaratilgan "Temur tuzuklari", "Boburnoma" kabi asarlar bilan bir qatorda turishini e’tirof etish mumkin.

Dunyoda davlatlar va xalqlar ko’p. Bu davlatlar va xalqlar milliy mustaqillikka vatanparvar farzandlarining tinimsiz kurashi va to’kilgan qoni, uzilgan jonlari evaziga erishgan. AQShning mustaqillik uchun kurashida (1775-1783 yillar) 150 mingga yaqin, Jazoirda (1954-1962 yillar) 1,5 million aholi qurbon bo’lib, 3 million kishi konstlagerlarga tashlangan va h.k.

“Ozodlik daraxti vaqti-vaqti bilan vatanparvarlar va bosqinchilarning qoni bilan sug’orib turilishi kerak. Bu – uning tabiiy o’g’itidir”, – degan edi AQSh prezidentlaridan biri Tomas Jefferson. Mashhur xitoylik donishmand Sun Stzi “Yuzta jangda g’alaba qilish emas, balki dushmanni qon to’kmay engish – haqiqiy siyosiy san’atdir”, degan edi. O’zbekistonda ham shunday bo’ldi. Yuz minglab o’zbekistonliklarning joni, qoni, mulki asrab qolindi.

Bu – milliy ozodlik uchun kurashning xalq uchun eng beozor, biroq, Yo’lboshchisi uchun eng og’ir yo’li bo’ldi. “Bizga tinchlik va osoyishtalik kerak. Biz har bir oilaning tinch-totuv yashashi tarafdorimiz va shunga intilayotgan, shuni ta’minlaydigan siyosatni qo’llab-quvvatlaymiz. Shunday og’ir sinovdan o’tayotgan bir paytda xalqimiz sabr-toqat va bardosh bilan, vazmin bo’lib, tinchlikni saqlash maqsadida jipslashishi kerak. Bir yoqadan bosh chiqarib harakat qilish kerak.

Tinchlikni buzayotgan, o’z manfaatini ko’zlayotgan har xil shaxslarga, muttahamlarga quloq solmasdan, xalqimiz o’zi tanlagan yo’ldan qolmasligi kerak.Yurtimiz, xalqimiz tarixda juda ko’p sinovlardan yuzi yorug’ bo’lib chiqqan.

Ishonamanki, bu og’ir sinovlardan ham eson-omon o’tamiz”.¹

Mavzuning dolzarbligi shundaki, O’zbekiston mustaqillikka erishish ostonasida” asarida Prezident I.A.Karimovning istiqlol sari yo’l boshlash bo’yicha qat’iy chora va tadbirlar oshirganini, mustaqil O’zbekistonning 24 yillik taraqqiyot yo’lining asoslarini o’rganish, dunyoning siyosiy va mafkuraviy manzarasidagi notinch vaziyatning mustaqillikka tahdidini, o’z davrida sobiq SSSRning katta-katta minbarlaridan ulkan jasorat bilan amalga oshirilgan o’tkir chiqishlar sifatida xalqimizni istiqlol sari da’vat etishi, yurtimizda yangicha fikr va qarashlarni, tinch-osoyishta, erkin va farovon hayot asoslarini qaror toptirishdek buyuk maqsadlarga xizmat qilgan bo’lsa, bugungi kunda yana bir ezgu vazifani ado etishga  yaqin tariximizning haqqoniy manzarasini aks ettirib, yoshlarni Vatanga muhabbat va sadoqat ruhida tarbiyalashga xizmat qilishini ko’rsatishdadir.