Buxoro davlat universiteti ijtimoiy iqtisodiy fakulteti

XULOSA
FOYDALANILGAN MANBALAR VA ADABIYoTLAR RO’YXATI

KIRISh

Biz uchun eng buyuk, eng aziz qadriyat bo’lmish istiqlolimizning har bir sanasi yangi tarix solnomasida tom ma’noda yorqin saxifa bo’lib, xalqimizning fidokorona mehnati, bunyodkorona salohiyatining yana bir amaliy namoyoni, erkin va farovon hayotimiz, g’urur-iftixorimiz timsoli sifatida keng nishonlanib kelinmoqda.

O’zbekiston 1991 yil 31 avgustda o’z mustaqilligini qo’lga kiritganidan so’ng umrini o’tab bo’lgan mustabid tuzumdan voz kechsak-da yangi bir tarixiy davrga o’tish jarayoni, mustaqil davlat barpo etish yo’lida hali og’ir sinovlarni engishdek o’ta murakkab vazifalar turar edi.

Ma’lumki, o’sha paytda imperiyaga qaram respublika edik. Mustaqillik yo’lidagi harakatlarimizda bizni qo’llab-quvatlaydigan, biz tayanadigan biron-bir tashqi omil, najotkor kuch yo’q edi. Shunday bir sharoitda muammolarni hal qilish uchun respublika rahbari kimga, nimaga ishonib harakat qildi, degan savol tug’ilishi tabiiy, albatta.

Avvalo, Yurtboshimizni davlatni boshqarishdagi oqil siyosati tufayli aniq maqsadlar belgilanib, milliy taraqqiyotning yangi demokratik bosqichiga asos solindi.

Yuqoridagi barcha savollarning javobini O’zbekiston Respublikasi Prezidenti Islom Karimovning mamlakatimizning o’z davlat mustaqilligini qo’lga kiritish arafasida va undan keyingi dastlabki oylarda olib borgan jo’shqin, serqirra siyosiy-ijtimoiy faoliyatini aks ettiradigan, “O’zbekiston mustaqillikka erishish ostonasida” deb nomlangan kitobdan topamiz.

Mazkur kitob mamlakatimiz mustaqilligining 20 yillik bayrami arafasida dunyo yuzini ko’rdi. Uning asosiy qismida Prezidentimizning 1989 yil 24 iyundan 1992 yil 4 yanvariga qadar, ya’ni uning respublikamiz rahbari sifatidagi faoliyatining birinchi kunidan toki mamlakatimiz istiqlolga erishganidan so’ng umumxalq saylovi asosida mustaqil O’zbekiston Prezidenti etib saylanishi va o’z vazifasini bajarishga kirishish sanasigacha bo’lgan davrda so’zlagan nutqlari, ma’ruzalari, maqola va intervyulari, Yurtboshimiz tomonidan imzolangan farmon va qonunlar o’rin olgan.