Buxoro davlat universiteti ijtimoiy iqtisodiy fakulteti

Mavzuning o’rganilganlik darajasi. Prezident Islom Karimovning asarlarida, xususan “O’zbekiston mustaqillikka erishish ostonasida” asarida bayon etilgan dolzarb vazifalar chuqur ilmiy tadqiq etilishga molik masalalar sirasiga kiradi. Bugungi kunda ozodlik, mustaqillik, Vatan ravnaqi, Yurt tinchligi, xalq faravonligi, zamonaviy demokratik qadriyatlar, inson huquqlari va qonun ustuvorligi tamoyillari, fuqarolik jamiyati hodisalari kabi umumbashariy g’oya va ta’limotlarni yangicha siyosiy, huquqiy va iqtisodiy tafakkur asosida qayta mushohada etish dolzarb ahamiyat kasb etmoqda.

O’zbekiston Respublikasi Prezidenti Islom Karimovning “O’zbekiston mustaqillikka erishish ostonasida” kitobida mustaqillik g’oyasi asosida O’zbekistonda rivojlanish strategiyasi, xalqimizning asriy orzusi bo’lgan milliy istiqlol mavzusiga oid fikr va qarashlar atroflicha o’z ifodasini topgan. Boshqacha aytganda, mustaqillik g’oyasi, mustaqillik mavzusi mazkur to’plamga kiritilgan barcha nutq va ma’ruzalarda bamisoli qizil ip bo’lib o’tadi.

Shuni aloxida qayd qilib o’tish kerak-ki, mamlakatimizning mustaqillik yillaridagi taraqqiyot yo’li Yurtboshimizning 22 jildlik asarlar to’plamida o’zining har tomonlama chuqur ifodasini topgan. "O’zbekiston mustaqillikka erishish ostonasida" kitobi ana shu asarlarning, umuman, bugungi hayotimizdagi jami moddiy va ma’naviy qadriyatlarning mazmun-mohiyati va ahamiyatini chuqur anglash va tushunib etish uchun beqiyos metodik ko’llanma vazifasini bajaradi.

Shu bilan birgalikda “O’zbekiston mustaqillikka erishish ostonasida” kitobi borasida bir qancha huquqshunos, siyosatshunos olimlar tadqiqotlar olib borganlar. Jumladan, o’zbek olimlaridan S.Raupov² O’.Ochilov³, D.Baxronov⁴, A.Bekurodov,⁵ A.Kuraxmedov⁶, Qo’chqorov V.⁷, A. Azizxo’jaevlarni⁸ keltirishimiz mumkin.

“O’zbekiston mustaqillikka erishish ostonasida” kitobida mustaqillik g’oyasining mohiyati ana shunda yaqqol namoyon bo’ladiki, aynan shunday yondashuv mamlakatni tarqqiy etishiga, xalqning farovon turmush kechirishiga, mustaqillikni mustahkamlanishiga, mustaqillik orqali fuqarolarning o’z hayoti va butun jamiyat hayotini boshqarishda va tashkil etishda keng ishtirok etish uchun imkoniyat yaratadi.

Shu ma’noda, Prezidentimizning ozodlikka erishgan dastlabki kunlarimizda “O’z istiqlol va taraqqiyot yo’limiz - bu gul bilan qoplangan yo’l emas, bu totalitarizm merosidan xalos bo’lish va poklanish, mafkuraviylik illati etkazgan ziyon-zahmatlarni bartaraf etishning qiyin, uzoq davom etadigan yo’lidir”, deb aytgan so’zlari zamirida qanchalik chuqur hayotiy ma’no borligini yana bir bor anglaymiz.

Faqat davlatimiz rahbarining qat’iy pozistiyasi, og’ir-bosiqlik bilan butun xalqimiz manfaatiga mos hayotiy dalillar, chuqur tahlillar asosida deputatlarni tagi puch da’vatlar, soxta bayonotlarga uchmaslikka, tarix bergan noyob imkoniyatni qo’ldan boy bermasdan, mustaqillik g’oyasi atrofida jipslashib, bir yoqadan bosh chiqarib harakat qilishga ishontira olgani bu masalada hal qiluvchi rol o’ynadi.⁹

Xaqiqatdan xam “O’zbekiston mustaqillikka erishish ostonasida” kitobida ilgari surilgan mustaqillik g’oyasi bevosita yurtboshimizning dono, uzoqni ko’zlagan siyosati tufayli amalga oshirildi.