«buxgalteriya hisobi va audit» kafedrasi «buxgalteriya hisobi»

Тaqsimlanmagan foyda bu hisobot davri yakunida xo’jalik yurituvchi sub’ekt ixtig’rida qoladigan sof foyda (foydaning bir qismi)dir. Тaqsimlanmagan foyda (qoplanmagan zarar)ni hisobga olishda quyidagi hisobvaraqlardan foydalaniladi:
8710-«Hisobot davridagi taqsimlanmagan foyda (qoplanmagan zarar)» schyotida korxona faoliyatining butun hisobot yilidagi taqsimlanmagan foydasi (qoplanmagan zarari) hisobga olib boriladi.
8720-«Jamg’arilgan foyda (qoplanmagan zarar)» schyotida korxonaning butun faoliyati davomidagi zarar, dividendlar bo’yicha to’lovlar hamda ustav kapitaliga qayta investitsiyalangan foydani chegirgan holda sof foyda so’mmasini ifodalovchi jamlangan foyda hisobga olib boriladi.
Hisobot davridagi sof foyda taqsimlanmagan foydani oshiradi va u quyidagicha provodka bilan rasmiylashtiriladi:
D-t 9900-«Yakuniy moliyaviy natija»
K-t 8710-«Hisobot davridagi taqsimlanmagan foyda (qoplanmagan zarar)».
Bizga ma’lumki, korxona sof foydasidan aksiyadorlarga dividend to’lanadi. Korxonada dividendlar hisobi va ta’sischilar oldidagi boshqa majburiyatlarni hisobga olish uchun quyidagi hisobvaraqlardan foydalanish ko’zda tutilgan:
6610-«Тo’lov uchun dividendlar» schyoti;
6620-«Chiqib ketayotgan muassislardan ularning ulushlari bo’yicha qarzlar» schyoti.
Bu hisobvaraqlar passiv hisoblanadi va ular bo’yicha saldo faqat kredit tomonda bo’ladi. Ushbu hisobvaraqlar krediti bo’yicha oborotlar hisoblangan dividendlarni yoki chiqib ketayotgan muassislarning ulushiga doir majburiyatlarni, debeti bo’yicha oborotlar esa dividendlar to’lovi hamda muassislar oldidagi qarzlarning so’ndirilishini ifodalaydi.
Dividendlar hisoblanganida quyidagicha provodka beriladi:
D-t 8710-«Hisobot davridagi taqsimlanmagan foyda (qoplanmagan zarar)»
K-t 6610-«Тo’lov uchun dividendlar».
Dividendlardan soliq undirilganda:
D-t 6610-«Тo’lov uchun dividendlar»
K-t 6410-«Byudjetga to’lovlar bo’yicha qarzlar».
Soliq so’mmasi byudjetga o’tkazilganida: