Butunjahon intellektual mulk tashkilotini ta’sis etish

16-modda
Qo‘shimcha shart

Ushbu Konvensiyaga a’zo bo‘lishda hech qanday qo‘shimcha shart yo‘l qo‘yilmaydi.

17-modda
O‘zgartishlar

(1) Ushbu Konvensiyaga o‘zgartishlar kiritish bo‘yicha takliflar Tashkilotga a’zo har qanday davlat tashabbusi bilan, Muvofiqlashtiruvchi qo‘mita yoki Bosh direktor tashabbusi bilan kiritilishi mumkin. Bunday takliflar Bosh direktor tomonidan Konferensiyada ko‘rib chiqilishidan kamida olti oy oldin Tashkilotga a’zo davlatlarga yuboriladi.

(2) O‘zgartishlar Konferensiya tomonidan qabul qilinadi. Agar o‘zgartishlar qabul qilinishi, ushbu Konvensiya ishtirokchilarining Ittifoqlarga a’zo bo‘lmagan davlat huquqlari va majburiyatlariga ta’sir qilsa, bunday davlatlar ham ovoz berishadi. Boshqa taklif qilinayotgan barcha o‘zgartishlar faqat ushbu Konvensiyaga a’zo davlatlar tomonidan qabul qilinadi. O‘zgartishlar oddiy ko‘pchilik ovoz bilan qabul qilinadi, tegishli konvensiyalarning ma’muriy qoidalariga o‘zgartishlar kiritishni Konferensiya faqat Parij ittifoqi Assambleyasi va Bern ittifoqi Assambleyasi tomonidan har birida qo‘llaniladigan qoidalarga muvofiq oldindan ovoz berilgan bo‘lsa qabul qiladi.

(3) Har qanday o‘zgartish har bir davlatning konstitutsiyaviy tartibiga muvofiq qabul qilinganligi to‘g‘risida yozma xabarnomalar Tashkilotga a’zo davlatlarning to‘rtdan uchidan Bosh direktor tomonidan qabul qilinganidan bir oy o‘tgach kuchga kiradi. O‘zgartishlar Konferensiya tomonidan qabul qilingan vaqtda ovoz berish huquqiga ega davlatlar (2)-bandga binoan o‘zgartirish taklifiga ovoz berishadi.O‘zgartishlar kuchga kirgan vaqtda Tashkilotga a’zo bo‘lgan yoki shu kundan keyin a’zo bo‘lgan barcha davlatlar uchun majburiydir, agar a’zo davlatlarning moliyaviy majburiyatlarini oshiradigan har qanday o‘zgartish faqat shu davlatlar uchun majburiy bo‘lsa, ular bunday o‘zgartish qabul qilinganligi to‘g‘risida xabar berishadi.