Bulardan tashqari, tovush o'zgarishlarining yana quyidagi ko’rinishlari mavjud

Qo‘shimchalarda shakldoshlik
Shakldoshlik nafaqat leksemalarga, balki qo‘shimchalarga ham xos xususiyat sanaladi, Qo‘shimchalarning ayrimlari ifodalanishiga ko‘ra aynan bir-biriga o‘xshasa-da, mazmun-mohiyati bilan keskin farqlanadi.
Masalan, -in qo‘shimchasi:
a) ot b) sifat d) ravish e) fe’lning nisbat
yasovchi yasovchi yasovchi shaklini yasovchi
tiqin to‘lin ostin-ustin ilin
yig‘in erkin birin-ketin ko‘rin
chaqin yashirin qishin-yozin qilin
Bunday qo‘shimchalar o‘zbek tilida ko‘plab uchraydi. -ma, -chi, -li(k), -dor, -ch, -(i)sh, -ar, -ik, -k, -ish, -qin, -choq, -(a) y, -siz kabi qo‘shimchalarni bunga misol qilib kcltirish mumkin. Shakldosh qo‘shimchalar quyidagi ko‘rinishlarda uchraydi.
1. So ‘z yasovchilar.
qalamdon (ot) qadrdon (sifat)
toshqin (ot) jo‘shqin (sifat)
tepki (ot) kechki (sifat)
qatlama (ot) bo‘g‘ma (sifat)
o‘roq (ot) qo‘rqoq (sifat)
yoshlik (ot) sirdaryolik (sifat)
yuzsiz (sifat) so‘zsiz (ravish)
yugurik (sifat) ko‘rik (ot)
2. So‘z yasovchi qo‘shimcha so‘z shakli yasovchi qo‘shimcha bilan shakldosh bo‘ladi.
kelinchak (erkalash, erinchak
hurmatlash shakli) (sifat yasovchi)
gapirma (fe’lning burma (sifat yasovchi)
bo‘lishsiz shakli)
yuzlab (chama haftalab (ravish yasovchi)
son shakli)
qizcha (kichraytirish erkakcha (ravish yasovchi)
shakli)
Dilafro‘zxon kitobxon
(hurmat shakli) (ot yasovchi)
do‘sti (III shaxs, boyi (fe’l yasovchi)
birlik shakli)
3. Har qanday holatda so‘z shakli yasaydi.
oqish (ozaytirma shakli) kelish (harakat nomi)
otam (egalik shakli) ko‘rdim (shaxs-son shakli)
ukang (egalik shakli) bording (shaxs-son shakli)
Qo‘shimchalar ma’nodoshligi
Qo‘shimchalarda shakldoshlikdan tashqari ma’nodoshlik hodisasi ham uchraydi. Ba’zan ma’lum bir so‘z yasash ma’nosini ifodalash uchun birdan ortiq qo‘shimchalardan foydalanishga to‘g‘ri keladi. Masalan, -li qo‘shimchasi o‘rniga -kor, -dor, bo-, ba-, ser- qo‘shimchalarini qo‘llash mumkin:
itoatli - itoatkor
shirali - shirador
savlatli - basavlat
sutli - sersut
obro‘li - boobro‘
Shuningdek, -chi o‘rnida, -shunos, -kash, -kor; -siz o‘rnida esa be-, no- old qo‘shimchalarni qo‘llash kuzatiladi.
adabiyotchi - adabiyotshunos
aravachi - aravakash
g‘allachi - g‘allakor
hayosiz - behayo
o‘rinsiz - noo‘rin