Бухоро вилоят педагог кадрларни

“СКАРАДЕЙ” технологияси “Скарадей” интерфаол технология 
бўлиб, ўкувчиларда мантиқий фикрлаш, мусиқий хотиранинг 
ривожланишида имконият яратади, мусиқий фаолиятларни амалга 
оширишда ўз фикр ва муносабатини эркин ифодалаш маҳоратини 
шакллантиради. Мазкур технология ўқувчиларда мустақил равишда 
билим ва малакаларини холис баҳолаш, ўргатилаётган мусиқий 
мавзулар ҳақидаги тушунча ва бадиий тассаввурларни аниқлаш 
имконини беради. У айни пайтда мусиқий асарлардаги турли ғояларни 
ифодалаш ҳамда улар орасидаги бадиий боғлиқликни аниқлаш 
имконини яратади. 
Мусиқа маданияти машғулотларида “Скарадей” технологияси 
ўқувчилар томонидан осон қабул қилинади. Чунки у фаолиятнинг
бадиий фикрлаш, мусиқани ҳиссий идрок этиш хусусиятларини
инобатга олган ҳолда ишлаб чиқилган. У ўқувчилар мусиқий 
тажрибасидан фойдаланишни назарда тутади, фаол мусиқий - ижодий 
ёндашув ва бадиий ижрочилик имкониятларини ривожлантиради 

---

“Скарадей” технологиясидан мусиқий фаолиятнинг барча
босқичларини ташкил этишда фойдаланиш мумкин. 
 
 
“СИНКВЕЙН” усули 
Ўқувчилар гуруҳларга бўлинадилар. Ўқитувчи ўзи танлаган ҳар 
бир гуруҳга ўқувчилар ўрганган турли қўшиқлардан 4 такт кириш 
қисмини ижро этиб бошлаб беради. Гуруҳлар, уларга ижро этиб 
берилган мусиқа орқали қўшиқ номини топиб, давом этишлари керак. 
Вазифани тўғри бажарган гуруҳлар ғолиб деб саналади.
 
“ СКАРАБЕЙ” усули 
Ўтилган мавзуларни такрорлаб мустаҳкамлаш. Икки гурухда 
ишлаш. Ўқувчиларга карточкалар тарқатилади. Уларда бир нечта 
асарлар номи ёзилган. Ҳар бир гуруҳлар бир-бирига карточкаларда 
ёзилган асар номини айтмасдан куйлаб ёки чолғу асбобида чалиб, ёки 
қўл ҳаракатлари билан кўрсатиб берадилар. Гуруҳлар асар номини 
топиб давом этишлари керак. Асарлар номини кўпроқ тўғри топган, 
тўғри кўрсатган ва тўғри ижро этган гуруҳ ғолиб деб саналади.