Бухоро давлат университети

Балиқнинг ёғ даражасини аниқлаш. В. В. Прозовский (1852) леш балиқ орқали белгилашни тавсия этади. Балиқ ёғ босганлик даражасини химиявий усул билан аниқланади.
О Балл. Ичак атрофида умумий ёғ йўқ. Ичак юпқа бириктирувчи тўқима билан қопланган.
I Балл. Ичакда ипсимон ясси ёғ тангачалари учрайди. Ёғ томчилар энди шаклланиш даври.
II Балл. Унчалик кенг бўлмаган ичакнинг иккинчи ва учинчи қисмларида ёғ тўқимаси анча зич жойлашган. Ичак атрофида алоҳида – алоҳида ёғ томчилари тўпланган.
III Балл. Икикнчи ва учинчи бўлими. Ичак атрофида кенг ясси шаклда ёғ тўқимаси тўпланади. Ёғ тўқимаси анча масофани белгилайди. Ичакнинг анал томонига ёғ тўпланган.
IV Балл. Ичак тўлиқ бўлмаса ҳам ёғ тўқимаси билан қопланган.
V Балл. Ичак тўлиқ ёғ билан қопланган. Бўш жой йўқ.
IX Бўлим. Балиқлар миграцияси.
Балиқлар ҳаётида миграциянинг аҳамияти ниҳоятда катта. Ов учун ҳам биринчи даромадли аҳамиятга эга. Миграция тўғрисида маълумот П. Ю. Шмидтнинг 1947 “Миграция рыб” монографиясида батафсил маълумот бор. Балиқлар миграцияси тўғрисидаги тўлиқ маълумотни Й. К. Суворовнинг (1948) “Основы ихтиологии”, Г. В. Никольскийнинг (1963) «Частная ихтиология», (1974) «Экология рыб» каби китобларидан олишингиз мумкин.
Миграция классификацияси ва унинг биологик аҳамияти.
Балиқларнинг масса бўлиб жойини ўзгартириши табиий шароитдаги организм талабига асосан амалга ошади ва ҳаёт цикли ва бошқалар билан боғлиқ. Балиқларнинг махсус кўпайиш жойига қараб миграцияланишига нерест миграция дейилади. Масалан оқ амур кўпайиш учун дарёнинг юқори тез оқар қисмига қараб миграцияланади. Ёки туркистон мўйловдори тухум қўйиш учун коллектор канал ёки дарёга чиқади.
Агарда балиқ озиқ қидириш учун узоқ масофага чиқса – озуқа миграцияси дейилади.
Кўпчилик балиқлар қишлаш учун миграцияланади ва денгиз, кўлнинг чуқур жойларига қараб кетади. Бу ҳолат қишлаш миграцияси дейилади. Сув чуқурлигига қараб жойини ўзгартириш вертикал миграция дейилади. Икра, личинкалар сув оқими билан узоқ масофаларга қараб қолса пассив миграция дейилади. Миграция оқимга қарши бўлса контранатант, миграция оқим билан бўлса денатонант миграция дейилади.