Бухоро давлат университети

Ганадаларни йиғиш ва фиксациялаш.
Балиқлар етилишини аниқлашда, материал йиғиш ва фиксациялашнинг турли хил усуллари мавжуд. Лекин энг қулай усул В. А. Мейен томонидан тавсия этилган усулдир. “Инструкция по определению пола и степень зрелости половых продуктов у рыб” (1939) айнан шу инструкциядан керакли маълумотлар берилади.
Жинсий безлар – тухумдон ва уруғдондан уч бўлакдан, ҳажми 0,5 см³ бўлган бўлакчалар олинади. Бир бўлаги бош қисмидан, иккинчи бўлаги безнинг ўрта қисмидан, учинчи бўлаги безнинг дум қисмидан олинади. Чунки безларнинг етилиш даражаси турлича. Жинсий бездан олинган намуна сулема ёки буэн фиксаторлари билан фиксацияланади.
Сулема фиксатори таркиби: 100 см³ да эритилган сулема, тўйинган ва музлатилган уксус кислотаси 5 – 6 см³ . фиксация 3 – 4 соат давом этади. Сўнг материал 80⁰ С ли спиртга ўтказилади ва шу эритмада сақланади. Намунани текширишдан олдин кучсиз ёд эритмасини 96⁰ С ли спиртга (ранги аччиқ чойникидай) ўтказилади, мақсад сулема кристалланмаслиги учун.
Буэн фиксатори таркиби: 15 қисмли сувда тўйинтирилган пкрин кислота эритилган 5 қисм формалиннинг 40% ли эритмаси ва бир қисм музлаган сирка кислотасидан иборат. Материални ёки намунани 24 соат давомида фиксациялайдилар. Фиксациядан сўнг материал 1 – 3 соат давомида сувга қўйилади, сув бир неча маротаба алмаштирилади. Сўнг 80⁰ С ли спиртга қўйилади ва шу тарзда сақланади.
Жинсий безларни, фиксациялашнинг бошқа йўллари ҳам бор. 90 қисм 70⁰ С ли спирт олинади ва 10 қисм 40 % ли формалин ҳамда Конкер аралашмаси (5 г сулема, 2,5 г икки хром нордон калий, 1 г натрий олтингугурт кислотаси 100 см³ дистилланган сув) ишлатишдан олдин 5 см³ музлатилган уксус кислота қўшилади ва 24 соат давомида фиксацияланади.
Намуналарни гистологик жиҳатдан ишлов беришда Г. Л. Роскиннинг микроскопик техникаси (1951) ва Б. Ремейенинг (1953) шу номли китобидан фойдаланилади.
IV бўлим. Балиқ серпуштлиги ва уни аниқлаш.