Бухоро давлат университети

4.5. Рента қиймати

Инвестиция лойихаларини бахолаш жараѐнида, баъзида, энг кўп қанча миқдорда маблағ сарфлаш мумкин деган саволга жавоб беришга тўғри келади. Бу саволга жавоб топиш учун муаммога рента типидага қўйилмалардан олиш мумкин бўлган муқобил даромад нуқтаи назаридан ѐндошиш фойдали. Рента типидаги қўйилмаларга банклардаги муддатсиз депозитлар мисол бўла олади.

Бу турдаги инвестициялар аннуитетга қарама-қарши ўлароқ перпетуитет (ингл.perpetuity-абадийлик) деб аталади.

Перпетуитет кўринишидаги инвестицияларнинг

муддати чекламагани холда, хисобланган фоиз даромадини бирданига олиш имконияти мавжуд бўлади хамда асосий сумма даромад келтиришда давом этаверади.

Бундай холатда йиллик даромад қуйидаги формула ѐрдамида аниқланади (10- формула):

РМТ  РV * k

80
Бу ерда: РV- банкка қўйилган муддатсиз депозитнинг асосий суммаси;

k- бу турдаги депозитлар учун банк томонидан тўланадиган даромаднинг фоиз ставкаси;

РМТ- депозит бўйича йиллик даромад.

Агар формулани бошқа кўринишда ѐзсак, унда худди шу миқдордаги пул тушумини вужудгаа келтираѐтган инвестицияларнинг қийматини англаб етамиз (11-формула).

РV  РМТ  k

Бу формулани қўллаш бизни инвестиция тахлилининг жуда оддий мантиғини англаб етишга олиб келади. Унинг мохиятини қуйидаги мисол ѐрдамида кўриб чиқамиз:

Айтайлик, банк депозитида бизнинг 1 млн. сўм омонатимиз бор ва банк бу депозит учун йиллик 60% даромад тўлайди. Демак, хар йили январь ойининг бошларида ўтган йил учун хисобланган 600 минг сўм даромадни банкдан олишимиз мумкин. 11-формуладан фойдаланиб, даромад ставкаси йилига 60 % бўлганда 600 минг сўм даромад олиш учун қанча миқдорда инвестиция қилишимиз зарурлигини топамиз:

РV  600000  0,60  1000000 сўм.

Кўрилган мисол асосида қуйидаги хулосага келишимиз мумкин: агар банк депозитига қўйилган 1 миллион сўм йилига 600 минг сўм даромад келтирса, кейинги йилнинг бошида 600 минг сўмга тенг (ѐки ундан кам) даромад келтирадиган инвестиция лойихасига 1 миллион сўмдан кўп маблағ ажратиш мақсадга мувофиқ эмас.

Перпетуитетнинг яна бир кўриниши инвестиция даврининг чекланмаганлиги ва доимо ўсиб борувчи йиллик даромад билан характерланади. Агар бу ўсиш q га тенг суратда рўй берса ва РМТ₁ биринчи йилнинг охирида

81

кутилаѐтган пул тушумлари суммасини акс эттирса, даври чекланмаган инвестицияларнинг жорий қиймати қуйидаги формула ѐрдамида аниқланади (12-формула).

РV  РМТ₁  k – q

Бу тенглама одатда Горден модели деб аталади. Бу формула содда кўринишга эга бўлишига қарамасдан, ундан эхтиѐт бўлиб фойдаланиш керак. Горден модели ѐрдамида олинган натижалар тўғри бўлиши учун бир неча шартларга амал қилиш зарур.

Биринчидан, формула суратидаги PMT 0 индекси билан эмас, балки 1 индекси билан турибди. Бундан

хулоса шуки, формула бўйича хисоб-китоблар инвестицияланган маблағлар бўйича улар ишлатилган биринчи давр охиридаги тўловдан бошлаб бажарилади. Агар тўлов инвесторга дархол келиб тушса, бу тўлов суммасини Горден модели ѐрдамида топилган жорий қиймат суммасига қўшиш керак.

Иккинчидан, бу моделни пул тушумлари оқими узлуксиз ва бир хил суратда ўсган холдагина ишлатиш мумкин. Учинчидан, бу моделда (q) ўсиш сурати (k) дисконтлаш коэффициентидан кам бўлган холдагина модель ѐрдамида олинган натижа хақиқатга яқин бўлади. Бу талаб пул бозори хусусиятларидан келиб чиқади ва бажарилиши нореал эмас. Чунки, агар бир тармоқда даромадларнинг ўсиш сурати дисконтлаш коэффициенти (даромадлиликнинг ўртача даражаси)дан юқори бўлса, тезда бу тармоққа инвестиция маблағлари оқиб кела бошлайди ва даромадлилик даражаси q пасайиб кетади.

Мавзуга якун ясай туриб, хар қандай инвестиция лойихаларини бахолашда амал қилиниши шарт бўлган бир неча тамойилларни таъкидлаб келтирамиз:

1. 
   Хисоб-китоблар бир хил қийматдаги пулларда олиб борилиши шарт. Бу учун барча харажатлар ва олинган натижалар келгусидаги ѐки хозирги даврдаги маълум бир санага келтириб олинади.
   

82

2. 
   Инвестицияларни бахолаш бу маблағлар инвестор учун улар сарфланиши мумкин бўлган бошқа лойихаларга нисбатан кам бўлмаган даромад келтириши мумкинлиги нуқтаи назаридан туриб амалга оширилиши керак.
   

2. 
   Умумий холатларда пул тушумлари у билан бир хил қийматга келтирилган пул харажатларидан кўп бўлган инвестицияларни танлаш жоиз.