Бухоро давлат университети ҳузуридаги илмий даражалар берувчи phD

Тадқиқотнинг амалий натижалари қуйидагилардан иборат: 
адиб асарларида қўлланган монологнинг анъанавий қолип ва 
қоидаларидан четга чиққан кўриниши аниқланиб, адиб ижодига хос сўзлар, 
персонаж нутқи, жуфт, такрорий сўзларнинг инглиз тилида берилиши, 

---

9 
уларнинг маънони кучайтириш, умумлаштириш, қаҳрамон характери, 
руҳиятини очиб бериш каби бадиий вазифаларни бажариши очиб берилган; 
аслият ва мувофиқлик ҳолатлари чегараси дескриптив таҳлил методи 
асосида белгиланган;
адиб асарлари инглизча таржимасидаги услубий муаммолар ўзбек 
тилидаги мақол ва маталлар, фразеологик бирликлар ва иборалар, сўз, сўз 
бирикмалари ва реалияларни эквивалентлик ва сўзма-сўз усулда берилиши 
билан боғлиқ ҳолда аниқланган ва миллий-маданий жиҳатдан мақбул 
вариантлар келтирилган. 
Тадқиқот натижаларининг ишончлилиги қўлланилган ёндашув 
усуллари ва назарий маълумотларни беришда аниқ илмий манбаларга, 
адабиётшунослик ва тилшуносликнинг замонавий илмий концепцияларига 
таянилганлиги; таҳлилга тортилган материалларнинг қиёсий-типологик, 
аналитик, контекстуал-компонент, дескриптив, трансформацион, психологик 
ва комплекс таҳлил методлари воситасида асосланганлиги; назарий фикр ва 
хулосаларнинг амалиётга жорий этилганлиги; олинган натижаларнинг 
ваколатли ташкилотлар томонидан тасдиқланганлиги билан изоҳланади. 
Тадқиқот натижаларининг илмий ва амалий аҳамияти. Тадқиқот 
натижаларининг илмий аҳамияти замонавий ўзбек адабиётининг таниқли 
вакили Эркин Аъзам ижодини комплекс ўрганишда, таржима ва аслият 
муносабатларини ёритиб беришда, таржиманинг замонавий усулларини 
белгилашда, миллий мутаржим маҳоратига хос жиҳатларни ёритишда, 
қиёсий адабиётшуносликнинг ривожланиш қонуниятларини ўрганишда ва 
шу йўналишдаги ишларда фойдаланиш мумкинлиги билан изоҳланади.
Тадқиқот натижаларининг амалий аҳамияти ундаги материаллар, 
ишнинг натижа ва хулосалардан «Қиёсий адабиётшунослик», «Чоғиштирма 
тилшунослик», «Лингвомаданиятшунослик», «Таржима назарияси», «Янги 
ўзбек адабиёти» фанларидан дарслик, ўқув қўлланмалар яратишда; 
адабиётшунослик, тилшунослик атамалари луғатларини такомиллаштиришда 
қўлланилиши мумкинлиги билан белгиланади.