Бухоро давлат университети ҳузуридаги илмий даражалар берувчи phD

Тадқиқотнинг объекти сифатида Эркин Аъзамнинг «Шовқин» 
романи, 
«Пакананинг 
ошиқ 
кўнгли», 
«Гули-Гули» 
қиссалари, 
«Аралашқўрғон», «Ёзувчи» ҳикоялари, шунингдек, адибнинг мутаржим 
Аъзам Обидов томонидан инглиз тилига таржима қилинган асарларидан 
таркиб топган «Farewell to Fairy Tales» ва «Heirs to the Great Sinner Sheikh 
San’on» тўпламлари танланган. 
Тадқиқотнинг предметини Эркин Аъзам асарларининг бевосита 
инглизча таржимасига хос хусусиятлар ташкил этади. 
Тадқиқотнинг усуллари. Диссертацияда қиёсий-типологик, аналитик, 
контекстуал-компонент, дескриптив, трансформацион, психологик ва 
комплекс таҳлил методларидан фойдаланилган. 
Тадқиқотнинг илмий янгилиги қуйидагилардан иборат: 
замонавий насрий асарларни инглиз тилига ўгириш жараёнида Эркин 
Аъзам асарлари таржимасига асос бўлган миллат тақдири, тарихи, 
психологияси, иродаси, урф-одати ва анъаналари; ўзбек халқининг 
инсонийлик фазилатлари: бағрикенглиги, камтарлиги, самимийлиги, 
меҳмондўстлиги каби ижтимоий омиллар аниқланган; 
адиб ижодий арсеналининг хилма-хиллиги ҳикоя, қисса, роман сингари 
эпик турга мансуб; янги киноқисса, драматик қисса каби синкретик 
кўринишдаги асарлари орқали асосланган; романчиликнинг янги услуби, 
улардаги рамзийлик, онг оқими тасвири, хотира, мактуб, киноя, юмор, 
психологизм каби бадиий талқин усуллари, қўшсарлавҳалик каби бадиий 
омиллар очиб берилган; 
адиб асарлари қўшсарлавҳалари рамзий ва киноя мазмунидаги 
номларга ажратилиб, Эркин Аъзам услубига хос киноя шакллари (киноявий 
сўз, киноявий бирикма, киноявий ибора) ва унинг инглизча таржимада 
берилиши қиёсий-типологик таҳлил методи асосида очиб берилган;
Эркин Аъзам асарларида акс этган миллий ҳаёт манзаралари, реалия, 
урф-одат, миллий характерларнинг инглиз тилида ифодаланиши ёритилиб, 
таржимада киноя, фразеологизм, мақол кабиларнинг эквивалентини мувофиқ 
тарзда бериш ва сўзма-сўз ўгириш орқали миллий хусусиятларнинг 
сақланиши контекстуал-компонент таҳлил методи орқали асосланган.