Бухоро давлат университети олий таълимнинг

2. КУРС ИШИГА МАВЗУ ТАНЛАШ

Кафедрада фаннинг ўқув дастурига мос курс иши мавзулари ва уларнинг тахминий режалари ишлаб чиқилади. Шунга асосланиб, талаба мустақил равишда курс иши учун мавзу танлайди. Талаба айрим ҳолларда кафедра билан келишган ҳолда рўйхатда келтирилмаган, ўзи томонидан таклиф этилган шахсий мавзуси бўйича курс ишини бажариши мумкин. Мазкур мавзу долзарб бўлиб, хўжалик юритувчи субъектларнинг амалий муаммоларини ҳал қилишга қаратилган бўлиши керак.
Талаба курс иши учун мавзу танлаб бўлгач, уни бажаришга рухсат беришни сўраб кафедра мудири номига ариза ёзади. Аризада курс иши мавзусининг номланиши ва иш бажариладиган хўжалик юритувчи субъектнинг номи аниқ кўрсатилади (1-илова).
Кафедра мудири аризани кўриб чиқади ва курс ишининг мавзусини талабага бириктириш тўғрисида қарор қабул қилади ҳамда илмий раҳбарни тайинлайди.
Курс ишининг мавзулари ва илмий раҳбарлари университет ректорининг буйруғи асосида тасдиқланади.

3. КУРС ИШИГА ИЛМИЙ РАҲБАРЛИК ҚИЛИШ

Курс ишининг мавзуси ва илмий раҳбари университет ректорининг буйруғи асосида тасдиқлангандан сўнг, талаба мавзуга тегишли адабиётларни ўрганган ҳолда илмий раҳбар билан биргаликда ишнинг режасини ишлаб чиқадилар. Мазкур жараён талабага илмий раҳбар томонидан бериладиган курс иши топшириғида ўз аксини топади.
Талаба илмий раҳбар билан белгиланган кунлар ва соатларда мунтазам равишда учрашиб, курс ишини бажарилишини муҳокама этиб бориши ҳамда у бўйича маслаҳатлар олиши керак.
Илмий раҳбарнинг вазифалари қуйидагилардан иборат:

• 
  курс иши бўйича илмий ва услубий ёрдам бериш;
  
• 
  иш мавзуси бўйича мунтазам равишда суҳбатлар ва маслахатлар ўтказиб туриш;
  
• 
  ишни бажариш учун зурур бўлган адабиётлар ва маълумотлардан фойдаланиш юзасидан тавсиялар бериш;
  
• 
  ишнинг камчиликларини кўрсатиш ва уларни бартараф этиш бўйича тавсиялар бериб бориш;
  
• 
  бажарилган ишни баҳолаш;
  
• 
  ишни ўз тақризи орқали ҳимояга тақдим этишга тавсия бериш;
  
• 
  талабани курс иши ҳимоясига ахборот-комммуникация воситаларидан фойдаланган ҳолда тақдимот қилишга тайёрлаш.
  

Ишнинг илмий раҳбари унинг сифати ҳамда мазкур услубий кўрсатма талабларига қатъий риоя қилинган ҳолда бажарилишига масъул ҳисобланади.