Бухоро давлат университети олий таълимнинг

1. УМУМИЙ ҚОИДАЛАР

Kompyuter grafikasi fani orqali talabalar raqamli tasvirlarni kompyuter xotirasiga kiritish, saqlash va qayta ishlash bilanbog`liq bo`lgan kompyuter grafikasining nazariy asoslarini, rastrli va vektorli tasvirlarni qayta ishlovchi zamonaviy sistemalar qo`llaydigan algoritm va usullarni o`rganadilar. Kompyuter grafikasi fanini o`qitish davrida talabalarga Adobe Photoshop va CorelDraw dasturlari ham o`rgatiladi. Kompyuterlarning texnik va dasturiy ta`minotining doimiy ravishda yangilanib, takomillashib borishi hamda bu fanga qilinayotgan yangiliklarni hisobga olgan holda har yili dasturga qo`shimcha va o`zgartirishlar kiritilishi ko`zda tutiladi.
Ishlab chiqarishning turli jabhalariga oid elektron axborotlarda albatta tasvirlar joylashtiriladi. Bu rasmlarni joylashtirishda ularni qayta ishlashga to`g`ri keladi. Global kompyuter tarmoqlari paydo bo`lgandan keyin axborotlarda tasvirlar ishtiroki yanada ortdi.
Talabalarning ”Kompyuter grafikasi” fanini o`zlashtirishlari uchun o`qitishning ilg`or va zamonaviy usullardan foydalanish yangi informatsion – pedagogik texnologiyalarni tatbiq qilish muhim ahamiyatga egadir. Fanni o`zlashtirishda darslik, o`quv va uslubiy qo`llanmalar, ma`ruza matnlari, tarqatma materiallar, elektron materiallar, vertual stendlar hamda kompyuter texnologiyalari (Adobe Photoshop, CorelDraw, Flash kabi dasturlar)dan foydalaniladi. Ma`ruza va amaliy darslarda mos ravishda ilg`or pedagogik texnologiyalardan foydalaniladi.
O`quv dastur 5130200 ”Amaliy matematika va informatika” yo`nalishi bakalavrlari tomonidan ”Kompyuter grafikasi” fanini bilishi va ko`nikmalariga minimal talablarini qo`yadi, o`quv darslari turi va mazmunini aniqlaydi.
Kompyuter grafikasini o`qitish ma`ruza, amaliy mashg`ulot va mustaqil ta`lim shaklida olib boriladi.
Хар бир фанни ўрганиш уни мақсадларига боғлиқ. Бу фан тасвириф санъат, компютер технологиялари ва замонавий оммавий-ахборот воситаларида рақамли медиа, биринчи навбатда видео ва медиа билан ишлаш тўғрисида етарли маълумотлар олиб, ўқувчи талаба ўзининг илмий дунёқарашини кенгайтиради.
Курс ишини бажариш ва ҳимоя қилиш юқори кадрларни тайёрлаш жараёнининг муҳим босқичи бўлиб, талабаларнинг назарий билимларини мустаҳкамлаш ҳамда кенгайтириш, аниқ илмий-техник, иқтисодий, хизмат кўрсатиш ва ишлаб чиқариш вазифаларини ҳал қилишда ушбу билимлардан фойдаланиш мақсадларини кўзлайди. Бундан ташқари, курс ишини бажариш олий ўқув юрти талабасида мустақил иш юритиш кўникмаларини ривожлантиришга хизмат қилади, аниқланган муаммо ва камчиликларни ечишда кенг изланишлар ҳамда тажрибалар ўтказиш имконини беради. Шунингдек, мамлакатимизда иқтисодий ислоҳотларни чуқурлаштириш ва модернизациялаш шароитларида талабанинг мустақил ишлаш лаёқатини ва тайёргарлигини оширади.
Курс иши муайян бир хўжалик юритувчи субъектининг аниқ маълумотлари асосида бажарилади. У мустақил илмий тадқиқотга хос хусусиятларни ўзида жамлаши ва амалиётга татбиқ этиш учун аниқ тавсияларни ифодалаши лозим.
Курс ишига илмий раҳбарлик қилишга кафедрадан етук профессор-ўқитувчилар бириктирилади.