Бухоро давлат университети “ИҚтисодиёт” кафедраси

 
 
МАМЛАКАТИМИЗДА БАЛИҚЧИЛИК КЛАСТЕРЛАРИНИ 
ТАШКИЛ ЭТИШ ВА РИВОЖЛАНТИРИШ 
Р.Х.Эргашев ҚарМИИ профессори, и.ф.д., У.Х.Беглаев ТошДАУ 
таянч докторанти 
 
Давлатнинг ижтимоий-иқтисодий сиёсатининг асосий мақсади 
аҳолини турмуш тарзини юқори даражасини таъминлаш ва оширишдан 
иборат. Ҳозирги кунда мамлакат аҳолисини юқори сифатли ва арзон балиқ 
маҳсулотлари билан таъминлаш миллий хавфсизлик масаласидир. 
Мамлакатнинг миллий иқтисодий ҳолатини ривожлантириш барқарор 
иқтисодий бошқарув тизимини яратиш орқали ҳал қилиниши мумкин. 
Балиқчиликнинг бугунги кундаги ҳолати ва уни янада ривожлантириш 
учун хўжаликларни ижтимоий-иқтисодий ҳолатини чуқур ўраганишимиз 
ва муаммоларни ҳал қилиш бўйича илмий тадқиқот ишларини амалга 
оширишни тақозо этмоқда. Бунинг учун олдимизда турган энг муҳим 
масалалар, яъни маҳсулотлар ишлаб чиқариш ҳажмини ошириш, сифатини 
яхшилаш, фермер хўжалиги ерларида ва аҳоли томорқаларида ердан 
фойдаланиш самарадорлигини ошириш, бунинг учун биринчи навбатга 
ернинг хақиқий эгаларини топиш, қишлоқ хўжалик маҳсулотларини 
сотиш, сақлаш, қайта ишлаш, экспортга йўналтириш, уларни маблағ билан 
таъминлаш каби комплекс масалаларни ҳал этишни талаб этади. 
Ўзбекистон Республикаси Президенти Ш.М.Мирзиёевнинг Олий 
Мажлисга
Мурожаатномасида 
таъкидлаганидек,”...балиқчилик, 
паррандачиликни ривожлантириш ҳисобидан озиқ-овқат маҳсулотлари 
ҳажмини кескин кўпайтиришимиз керак
1
. 
Соҳани ривожлантириш учун бугунги кунда мамлакатимизда 
балиқчилик кластерларини ташкил этиш ва ривожлантириш асосий
мақсад қилиб белгиланган. 
Кластернинг асосий мақсади илғор инновацион технологияларни 
қўллаган ҳолда юқори сифатли балиқ ишлаб чиқаришни ташкил этиш 
бозор иқтисодиёти шароитида рақобатбардошлигини оширишдан иборат. 
Давлат иқтисодиёти кластерларнинг кучли жиҳатларига таянади, чунки 
уларсиз энг ривожланган иқтисодиёт ҳам ўртамиёна натижаларга эришиши 
мумкин, деган хулосалар мавжуд. Кластерларнинг иқтисодий-ижтимоий 
самарадорлиги, улар иштирокчилари йўналишлари бўйича тақсимланади: 
1
Мирзиёев Ш.М. Ўзбекистон Республикaси Президенти Шaвкaт Мирзиёевнинг Олий 
Мaжлисгa Мурожaaтномaси, Хaлқ сўзи, 29.12.2018 йил 

---

66 
➢
бошқа тармоқлардан келадиган янги ишлаб чиқарувчилар илмий-
тадқиқот ишларини рағбатлантириб ва янги стратегияларни таъминлаб, 
ривожланиш жараёнини тезлаштиради; 
➢
ўзаро эркин ахборот алмашинуви юзага келади, янгиликлар 
истеъмолчи ва маҳсулот етказиб берувчиларнинг каналлари бўйича тез 
тарқалади; 
➢
кластер ичидаги ўзаро алоқалар рақобатда янги имкониятлар пайдо 
бўлишига олиб келади; 
➢
инсон капитали, илмий ғоялари ривожланиши ва ишлаб чиқаришга 
жорий этилишига янги имкониятлар яратади.
Балиқчилик кластерларини
инновацион тизимини ташкил этиш юқори сифатли маҳсулот олиш билан 
бир қаторда бошқарувни тўғри йўлга қўйиш имконини беради.