Бухоро давлат университети илм ва эзгулик бухоро – 2016

ИЛМ ЗАҲМАТИ ЙЎЛИДА


Холбой ИБРАГИМОВ
Навоий Давлат педагогика институти ректори,
педагогика фанлари доктори, профессор

Психология фанлари доктори, профессор, Халқаро психология фанлари академияси ҳақиқий аъзоси (академиги) Шариф Рамазонович Баротов мамлакатимизда таниқли олимлардан бири. Ш.Р.Баротовнинг илмий изланишларининг асосий йўналиши Ўзбекистондаги таълим муассасаларида психологик хизматнинг ташкил этилиши ва илмий – амалий жиҳатдан ривожлантирилиши билан боғланиб кетган.

Бу борада олимнинг юздан ортиқ илмий мақолалари, 10 та монография, дарслик ва қўлланмалари чоп этилган. Ш.Р.Баротовнинг илмий раҳбарлигида 4 нафар фан номзоди ўзларининг илмий ишларини муваффақиятли ҳимоя қилди. 5 нафар шогирди эса докторлик диссертациялари якунлаш арафасида.
Заҳматкаш олим нафақат Ўзбекистонда, балки Россия, Қозоғистон ва бошқа бир қатор давлатларда ҳам ўзининг илмий маърузалари билан фаол иштирок этиб келмоқда. Жумладан, 2012 йилда Халқаро психология фанлари академиясининг ҳақиқий аъзолигига қабул қилинди. 2013 йилда шу Академиянинг “Человеческой фактор” номли медалини олишга сазовор бўлди. Ҳозирги кунда у мазкур академиянинг мамлакатимиз бўйича минтақавий бўлими раҳбари сифатида фаолият кўрсатиб келмоқда.
Ш.Р.Баротов айни пайтда Ўзбекистондаги ягона бўлган “Psixologiya” журналининг Бош муҳаррири бўлиб, баракали фаолият олиб бормоқда. Шуни алоҳида таъкидлаш лозимки, Бош муҳаррир сифатида кўпгина давлатлардаги (Россия, Қозоғистон, Украина ва бошқалар) илмий журналлар билан ўзаро алоқани йўлга қўйди.
Шариф Баротовнинг илмий ишланмалари, тавсиялари ва бевосита ташкилотчилиги асосида илк бор мамлакатимиз умумтаълим мактабларида психологик хизмат тизими йўлга қўйилди. Бу тизим Ўзбекистон Республикасининг “Таълим тўғрисида”ги Қонун ва Кадрлар тайёрлаш миллий дастури талаблари асосида муваффақиятли амалга оширилмоқда.
Мазкур тизимнинг мамлакатимизда муваффақиятли ташкил этилиши жаҳон ҳамжамияти томонидан эътироф этилган таълимнинг “Ўзбек модели”га хос тамойилларини ҳаётга тадбиқ этишда хизмат қилмоқда.
Профессор Шариф Баротовнинг илмий ва ижодий ҳамда педагогик фаолиятига бағишланган “Илм ва эзгулик”номли ушбу китобдан ўрин олган теран фикр ва мулоҳазалар йўғрилган мақолалар китобхонларда, албатта қизиқиш уйғотиши, шубҳасиз