Бухоро давлат университети илм ва эзгулик бухоро – 2016

Ш.БАРОТОВ – ЎЗБЕКИСТОНДА ПСИХОЛОГИЯ ИЛМИ ТАРҒИБОТЧИСИ


Н.С. Сафаев,
Низомий номидаги Тошкент давлат педагогика университети профессори, психология фанлари доктори

Психология фанлари доктори, профессор Ш.Р.Баротов республикамизда етакчи салмоқли фан намоёндаларидан бири бўлиб, психология фанини ривожлантириш, ҳаётга жорий этиш, оммалаштириш бўйича заҳматкашларидан бири сифатида катта ҳурмат ва эҳтиромга сазовор бўлган, илмий-педагогик, жамоатчилик орасида эътироф этилган олим, устоз, мураббий ва бағрикенг ажойиб инсондир.

Республикамизда психология фанининг жадал ривожланиб боришида заҳматкаш, изланувчан, ташаббускор, ташкилотчи, таниқли олим, психология фанлари халқаро академиясининг ҳақиқий аъзоси, камтарин инсон, Ш.Р.Баротовнинг хизматлари беқиёс.
Республикамизда «Психология» журналининг нашр этилиши, унда психологиянинг долзарб муаммолари, олиб борилаётган илмий тадқиқотлар натижалари бўйича юқори савиядаги илмий мақолаларнинг чоп этилиши мамлакатимизда «Психологик хизмат» масалаларини йўлга қўйилиши профессор Ш.Р.Баротов номи билан боғлиқдир.
Ш.Р.Баротов ўз илмий мактабига эга бўлган олимдир, унинг раҳбарлигида қатор фан номзодлари етишиб чиққан. Унинг шогирдлари психология фанининг турли соҳалари бўйича изланишлар олиб бормоқдалар. Олим қатор монография, дарслик, ўқув-усулий қўлланмалар, илмий мақолалар муаллифи бўлиши билан бир қаторда, халқаро илмий анжуманларнинг моҳир ташкилотчиси ҳамда тажрибали раҳбар ва педагогдир.
Ш.Р.Баротов йирик олим ва маърифатпарвар инсон бўлиши баробарида шогирдларига жонкуяр устоз ҳамдир, олим мамлакатимизда психология фанини ривожланиши, олий ва ўрта махсус таълим тизимидаги педагоглар, педагогик фаолиятини турли соҳаларида ишлайдиган мутахассисларни, психологик билимлар билан қуроллантириш, психология фанини тарғиб қилиш, каби масъулиятли ишларни амалга ошириб келган.
Ш.Р.Баратовни қутлуғ 55 ёши билан қутлар эканмиз, унга узоқ умр, мустаҳкам саломатлик ва илмий-ижодий бардавомлик, ҳамиша шогирдлар ардоғида бўлиб, фанни ривожлантириш йўлидаги хайрли ишларни амалга оширишда улкан муваффақиятлар тилаймиз.