Бухоро- 2022 Ўзбекистон республикаси олий ва ўрта махсус таълим вазирлиги бухоро давлат университети

6. ЭЛЕКТРОД ПОТЕНЦИАЛИ ВА ПОТЕНЦИОМЕТРИК АНАЛИЗ АСОСЛАРИ
Турли хил электролит моддалар, яъни бир қатор кислота, асос ва улардан ҳосил бқладиган тузлар, ҳамда таркиб – тузилмаси бўйича анча мураккаб бўлган бирикмалар (полеэлектролитлар, комплекс моддалар) ҳам маълум шароитда электрокимёвий узгаришларга учраши мумкин. Жумладан, уларнинг эритмаларда ҳосил қиладиган ионлари муайян турдаги электродлар билан таъсирлашувини ўрганиб, моддалар электрокимёвий потенциаллари тахлил этилиб, уларга оид муҳим маълумотлар кулга киритилади. Мазкур мақсадда, албатта, маълум физик-кимёвий ва электр кўрсаткичларга эга булган электродлар ишлатилади. Қисқагина ифодаланса, потенциометрик анализ усуллари муайян электрод потенциалининг турли моддаларга хос булган физик (электрик) ва физик кимёвий жараёнларга боғлиқ ҳолда ўзгаришини аниқлашга асосланган.
Агар бирор бир суюқлик, шу жумладан, муаян модда эритмасига металл туширилса, унинг потенциали, авваламбор, электроднинг ўзини табиати (масалан, қандай металдан тайёрлангани), сўнгра эритма таркиб- тузилмаси, мавжуд физик-кимёвий ҳолат, шароит кўрсаткичларига боғлиқ қийматга эга бўлади. Электрод потенциали ва мавжуд система электр юритиш кучи (ЭЮК) ни аниқлаб қандай электрокимёвий ўзгариш бўлиши ёки бўлиб ўтганлигидан тегишли маълумот олинади.
Потенциаметрик анализларда, айтиш мумкинки, ишлатиладиган электродлар текшириладиган бирикмалар учун гўё индикатор вазифасини ўтайди. Амалда бундай усул билан қатор маълумотлар қўлга киритилади. Масалан, лаборатория ишларида «ҳажм анализи» ўтказилиши вақтида «эквивалент нуқта» ни топиш, эритмада эриган модда концентрациясини аниқлаш, шунингдек қандай электрокимёвий жараён бўлишига оид маълумотларга эга бўлади.
Тажрибалар бажарилишидан аввал тегишли электродлар потенциаллар аниқланиб, шундан сўнг эритмада мавжуд ионларнинг, уларнинг сифат-миқдор кўрсаткичлари топилади. Кўрсатиб ўтиш ҳам мумкинки, мазкур усул ҳар қандай суюқ муҳит кўрсаткичи, яъни водород иони концентрацияси [Н⁺] ни аниқлаш амалда кенг қўлланилади. Хусусан, муҳит рН (водород кўрсаткичи) ни аниқлашда потенциометрик бошқа усулларга нисбатан устуворлиги анча юқори.
«Потенциометрик титрлаш» усули билан, масалан, ҳажмий анализ ўтказиш вақтида одатда қўлланиладиган индикаторлар электродлар билан алмаштирилади. Бу ҳақда юқорида ҳам кўрсатиб ўтилди. Электрод потенциалининг эквивалент нуқтада ўзгариш қийматини аниқлаб, мавжуд шароитда ёки бу турдаги электрокимёвий жараённинг охирига етганлиги (потенциалқиймати сакрашидан) топилади.