Бухгалтерия ҳисобининг халқаро стандарти 8 Ҳисоб сиёсатлари, ҳисоблаб чиқилган баҳолардаги ўзгаришлар ва хатолар

Ҳисоб сиёсатлари
Ҳисоб сиёсатини танлаш ва қўллаш
7 Қандайдир МҲХС операцияга, бошқа ҳодисага ёки шароитга аниқ тегишли бўлганида, унга нисбатан қўлланиладиган ҳисоб сиёсати ёки сиёсатлари ушбу МҲХСни қўллаш билан аниқланиши керак.
8 МҲХСлар томонидан ушбу МҲХСлар қўлланиладиган операциялар, бошқа ҳодисалар ва шароитлар тўғрисида, Бухгалтерия ҳисобининг ҳалқаро стандартлари Кенгашининг фикрича, ўринли ва ишончли ахборотни қамраб олган молиявий ҳисоботлар шаклланишига олиб келадиган ҳисоб сиёсатлари белгиланади. Ушбу сиёсатларнинг қўлланилиши шарт эмас, агар уларни қўллашнинг оқибатлари аҳамиятсиз даражада бўлса. Аммо, тадбиркорлик субъектининг молиявий ҳолати, молиявий натижалари ёки пул оқимларини ўзгача тақдим этиш учун МҲХСлардан аҳамиятсиз даражада четга чиқиш ёки бундай четга чиқишларни тузатмасдан қолдириш нотўғридир.
9 МҲХСларни қўллашда тадбиркорлик субъектларига ёрдам бериш мақсадида қўллаш бўйича кўрсатмалар илова қилинади. Барча бундай кўрсатмаларда улар МҲХСларнинг ажралмас қисми бўлиб ҳисобланиши ёки ҳисобланмаслиги таъқидланади. МҲХСнинг ажралмас қисми бўлиб ҳисобланадиган кўрсатмаларни қўллаш мажбурийдир. МҲХСнинг ажралмас қисми бўлиб ҳисобланмайдиган кўрсатмалар молиявий ҳисоботларга нисбатан талабларни ўз ичига олмайди.
10 Операция, бошқа ҳодиса ёки шароитга аниқ тегишли бўлган МҲХС мавжуд бўлмаганида, тадбиркорлик субъектининг раҳбарияти қўйидаги хусусиятларга эга бўлган ахборотни шакллантирадиган ҳисоб сиёсатини ишлаб чиқиш ва қўллашда ўз мулоҳазасидан фойдаланиши керак:
(a) фойдаланувчиларнинг иқтисодий қарорларни қабул қилиш билан боғлиқ талаблари учун ўринли бўлган; ва
(б) молиявий ҳисоботлар қуйидагиларни таъминлагани туфайли ишончли бўлган:
(i) тадбиркорлик субъектининг молиявий ҳолати, молиявий натижалари ва пул оқимларини ишончли кўрсатади;
(ii) операциялар, бошқа ҳодисалар ва шароитларнинг нафақат юридик шакли, балки иқтисодий моҳиятини акс эттиради;