Бухгалтерия ҳисобининг халқаро стандарти 8 Ҳисоб сиёсатлари, ҳисоблаб чиқилган баҳолардаги ўзгаришлар ва хатолар

(a) ретроспектив қўллаш ёки ретроспектив қайта ҳисоблашнинг натижаларини аниқлаб бўлмаса;
(б) ретроспектив қўллаш ёки ретроспектив қайта ҳисоблаш тадбиркорлик субъектининг раҳбарияти ушбу даврда нимани мўлжаллаганлигини тахмин қилишни талаб этса; ёки
(в) ретроспектив қўллаш ёки ретроспектив қайта ҳисоблаш, суммаларнинг сезиларли даражада тахминий баҳоланишини талаб этса, ва ушбу баҳолашлар тўғрисидаги маълумотларни объектив равишда бошқа маълумотларга нисбатан ажратиб олишни амалий имкони бўлмаса; бунда ушбу маълумотлар:
(i) мазкур суммалар тан олиниши, баҳоланиши ёки очиб берилиши лозим бўлган сана(лар)га мавжуд бўлган шароитларни тасдиқлайдиган далилни таъминлаган бўлар эди; ва
(ii) мазкур олдинги давр учун молиявий ҳисоботлар эълон қилиниши учун тасдиқланганида мавжуд бўлган бўлар эди.
Ҳисоб сиёсатидаги ўзгаришни ва ҳисоблаб чиқилган баҳодаги ўзгариш натижасини истиқболли қўллаш – бу, мос равишда:
(a) ҳисоб сиёсати ўзгарган санадан кейин содир бўладиган операциялар, бошқа ҳодисалар ва шароитларга нисбатан янги ҳисоб сиёсатини қўллашдир; ва
(b) ҳисоблаб чиқилган баҳодаги ўзгаришнинг таъсирини ушбу баҳолаш таъсир қилган жорий ва келгуси даврларда тан олишдир.
6 Тушириб қолдириш ёки бузиб кўрсатиш фойдаланувчиларнинг иқтисодий қарорларига таъсир эта олишини, ва ўз навбатида муҳим бўлишини, аниқлаш - ушбу фойдаланувчиларга мансуб бўлган хусусиятларни кўриб чиқишни талаб этади. Молиявий ҳисоботларни тайёрлаш ва тақдим этишнинг концептуал асоси 25² -бандда шуни таъкидлайдики, “фойдаланувчилар бизнес, иқтисодий фаолият ва бухгалтерия ҳисоби бўйича етарлича билимга эга ҳамда маълумотларни тегишлича қунт билан ўрганиш ҳоҳишига эга деб фараз қилинади.” Шу туфайли, муҳимликни аниқлашда бундай хусусиятларга эга бўлган фойдаланувчилар томонидан қабул килинадиган иқтисодий қарорларга қай даражада таъсир кўрсатилиши асосли тарзда кутилиши мумкинлигини инобатга олиш зарур.