Bugungi shiddat bilan rivojlanib borayotgan dunyoda har bir davlat o'z xalqi va kelajagi haqida qayg'urar ekan, qat'iy pozitsiya va samarali rivojlanish yo'llarini o'z zimmasiga oladi

O’zbekiston respublikasi
oliy va o’rta maxsus ta’lim vazirligi

mirzo ulug’bek nomidagi
O’zbekiston milliy universiteti

IQTISODIYOT FAKULTETI
kadrlar menejmenti
sirtqi bakalavriat
____________________________fanidan
“O’zbekistonning iqtisodiy salohiyatidan samarali foydalanish yo’llari”
mavzusida bajargan

kurs ishi
Bajardi:
Qabul qildi:


Toshkent-2020 yil
REJA:
1. O’ZBEKISTON IQTISODIY SALOHIYATINI RIVOJLANTIRISHNING INNOVATSION YO’LI, O’ZBEKISTON RESPUBLIKASINI 2030–YILGACHA KOMPLEKS IJTIMOIY-IQTISODIY RIVOJLANTIRISH KONSEPSIYASI
2. IJTIMOIY-IQTISODIY SALOHIYATDAN SAMARALI FOYDALANISH VA IQTISODIY O’SISHNING YANGI MANBALARINI JALB ETISH CHORA-TADBIRLAR, O’ZBEKISTON HUDUDLARINI IQTISODIY RIVOJLANTIRISH TENDENSIYALARI,
3. O’ZBEKISTONNING IQTISODIY SALOHIYATI YUKSALISHI

1. 
   KIRISH
   

Bugungi shiddat bilan rivojlanib borayotgan dunyoda har bir davlat o'z xalqi va kelajagi haqida qayg'urar ekan, qat'iy pozitsiya va samarali rivojlanish yo'llarini o'z zimmasiga oladi. Mustaqil O'zbekiston oldida ham yosh mustaqil davlatni rivojlantirishning o'tgan tarixiy yo'lini, to'plangan tajriba va erishilgan yutuqlarni tahlil qilish, demokratik islohotlarni yanada chuqurlashtirish chora-tadbirlarini, mamlakat taraqqiyotini jadallashtirishning asosiy ustuvor yo'nalishlarini va aniq maqsadlarni xolisona baholash vazifasi qo'yildi.
Bu vazifalarni amalga oshirishdan oldin keng jamoatchilik, ishbilarmon doiralar vakillari, davlat organlari rahbarlari va mutaxassislari bilan amaliy suhbatlar, muhokamalar bo'lib o'tdi. Mahalliy va xalqaro tashkilotlarning qonun hujjatlari, axborot-tahliliy materiallari, tavsiyalar va sharhlar o'rganildi. Rivojlangan xorijiy mamlakatlar tajribasi tahlil qilindi.
To'plangan takliflar, ularni o'rganish va umumlashtirish 2017-2021-yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi hamda yaqin kelajakda davlat taqdirini belgilovchi boshqa dasturlar asosiga aylandi.
Harakatlar strategiyasini besh bosqichda amalga oshirish ko'zda tutilmoqda, ularning har biri doirasida uni amalga oshirish bo'yicha alohida yillik davlat dasturi tasdiqlanadi. Islohotlarning birinchi bosqichi 2017-2021-yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasini "xalq bilan muloqot va inson manfaatlari yili"da amalga oshirishga oid Davlat dasturida aks ettirilgan.
Shu munosabat bilan harakatlar strategiyasi doirasida amalga oshirilgan islohotlarda Davlat dasturida belgilangan vazifalarni amalga oshirishga alohida e'tibor qaratildi. 320 banddan iborat 437 ta tadbir samarali amalga oshirilishi, 29 ta qonun va 900 dan ortiq boshqa qonun hujjatlari qabul qilinishi natijasida davlat va jamiyat hayotining barcha sohalarida bir qator ijobiy o'zgarishlarga erishildi.
2017-yilda davlatimiz rahbarining davlat hokimiyati va boshqaruvini, sud-huquq tizimini, qishloq xo'jaligi, neft-gaz, kimyo, tog'-kon, energetika, qurilish, arxitektura sanoati, yo'l-transport kommunikatsiyalari, farmatsevtika, to'qimachilik, xizmat ko'rsatish, turizm, axborot texnologiyalarini rivojlantirish, shuningdek, hududlarni kompleks ijtimoiy-iqtisodiy rivojlantirish sohasidagi qator tashabbuslari amalga oshirildi. Fuqarolarning huquq va erkinliklarini himoya qilish kafolatlari kuchaytirildi.
Davlat va mintaqaviy dasturlar doirasida odamlarni qiynayotgan va ularning kundalik tashvishlari bilan bog'liq muammolarni hal etishga qaratilgan chora-tadbirlar qabul qilindi. Davlat va jamiyat manfaatlari o'rtasidagi muvozanatni ta'minlash, davlat boshqaruviga yangi usullarni joriy etish, jamoatchilik boshqaruvini takomillashtirish, odamlar uchun munosib turmush sharoitlarini yaratish sohasidagi vazifalar samarali amalga oshirildi.
Jamiyat hayotining barcha sohalarini yanada liberallashtirish va isloh qilish jarayonlarini izchil davom ettirish eng muhimi hisoblanadi. Barcha tarmoqlardagi dolzarb muammolar aholi bilan ochiq muhokama qilinib, ularning eng maqbul yechimlarini izlab topdi. Fuqarolarning fikr-mulohazalari va murojaatlari asosida barcha qarorlar qabul qilinishi islohotlarni jadal va samarali amalga oshirishda muhim ahamiyat kasb etdi.
Davlat hokimiyati va boshqaruvi organlari, iqtisodiy, bank moliya idoralari, kommunal xo'jalik, ichki va tashqi ishlar organlari, ta'lim va tarbiya, sog'liqni saqlash, sud-huquq tizimining parlament va mahalliy Kengashlar tomonidan axborot va hisobotlarini eshitish tartibini yo'lga qo'yish jamoatchilik nazoratini amalda joriy etish imkonini berdi.
Prezidentimiz tashabbusi bilan davlat va jamiyatning barcha jabhalarida amalga oshirilgan tub islohotlar va tadbirlar odamlarning biznes kayfiyatini yanada kuchaytirdi, fuqarolik pozitsiyasini mustahkamladi, har bir insonning davlat va jamiyat boshqaruvida ishtirokini kengaytirdi. Mansabdor shaxslar tomonidan qabul qilinayotgan qarorlarda xalq manfaatlari yanada keng e'tirof etila boshlandi.