Бугун Ўзбекистон Республикаси-иқтисодиёти бозор иқтисодиётига асосланган, тўхтовсиз ривожланаётган давлат

4.14. Юкларни ортиш–тушириш ишларини ташкил этиш

Умумфойдаланиш жойларидаги юк ортиш–тушириш ва омборлари, шунингдек, контейнерларда ва майда жўнатма юкларни саралаш ишлари, ортиш-тушириш ишлари механизациялаштирилган дистанция (МЧ) томонидан бажарилади. Дистанция ўз қарамоғида ишлаб чиқариш участкаларига эга.

Ҳар бир дистанциянинг фаолият ҳудуди Минтақавий темир йўл узели(МТУ)нинг чегаралари билан белгиланади ва унинг таркибига бир нечта станциялар киради.
қайта ишланадиган юк ҳажмига қараб, механизациялашган дистанция ва ишлаб чиқариш участкалари 4 гурухга бўлинади.
Дистанция ва участкадаги ишчилар штати бир йиллик ўртача қайта ишланадиган юк миқдоридан келиб чиқкан холда белгиланади.
Ортиш-тушириш ишлари механизациялашган дистанцияларнинг асосий масалалари:
-станциялардаги юкларни ишчи, моддий ва материал ресурсларини энг кам сарфлаган ҳолда кеча-кундуз ортиш ишларини таъминлаш;
-ортиш-тушириш ишларини ташкил этишни такомиллаштириш, уларни бажаришни автоматизация ва механизациялашни кенг қўллаш, оғирроқ бўлган жараёнларни механизациялаш даражасини ошириш;
-юк кўтариш машина ва механизмларини техник соз ҳолда сақлаш ва улардан тўлиқ фойдаланиш;
-вагон ва автомобилларни юк операциялари пайтида туришини камайтириш ва бошқалар.
Механизатор ва юк ортувчилар бир бригадага йиғилиб, уларга бригадир тайинланади. Сменада барча бригада ишларини ишлаб чиқариш участкасининг смена мастери бошқаради. У бригадалар орасида ишни тақсимлайди, ишга наряд ёзади, учёт ва унинг бажарилишини кузатиб боради, техника хавфсизлиги қоидаларига риоя қилишликни ва иш сифатини назорат қилади, юкларни омборхонада ва вагонда тўғри жойлашишини текшириб туради.
Катта ҳажмдаги ортиш–тушириш ишлари бўлган ишлаб чиқариш участкаларида комплекс механизациялашган бригадалар тузилади.
Иш ҳажми камлиги туфайли механизациялар ёки ишчилар бригадасини ушлаб туриш иқтисодий тарафдан самарасиз бўлган станцияларда юкларни қайта ишлаш учун жойига бориб ишловчи механизациялашган бригадалар тузилади. Улар икки–уч оралиқ станциясига хизмат қилишлари мумкин.