Boshqaruvda elektron xukumat. Imzo va muhr. Ularning ahamiyati

13-mavzu. Elektron xukumat. Boshqaruvda elektron xukumat. Imzo va muhr. Ularning ahamiyati.

REJA

1. Boshqaruvda elektron xukumat.

2. Imzo va muhr. Ularning ahamiyati.

1.Boshqaruvda elektron xukumat.

Davlat boshqaruvida AKT - bu nafaqat Davlat boshqaruvining tegishli sifat darajasida axborot-texnik tashkil etilishi, shu jumladan istalgan mamlakatning jamiyatida mavjud bo‘lgan
munosabatlar va aloqani sifat jihatidan boshqacha tashkil etish va boshqarish hamdir.
Soddalashtirilgan shaklda har qanday mamlakatning ijtimoiy hayotini uch muhim sub’ektning (Davlat, mamlakat fuqarolari, biznes sub’ektlari) munosabatlari dinamik tengligi shaklida tasavvur qilish mumkin. Fuqarolar bir bo‘lib, fuqarolik jamiyatini ifodalaydi, biznes sub’ektlarining jami esa mamlakat iqtisodiyotini ifodalasa, Davlat integratsiyalovchi tizim hisoblanadi.
Davlatning integratsiyalovchi roli bunda uchta nimtizimli munosabatlarda namoyon bo‘ladi:

• 
  Hukumat muassasalarining o‘zaro va mahalliy Davlat boshqaruv organlari bilan o‘zaro hamkorlik qilishi (G2G);
  
• 
  Hukumat muassasalari bilan mamlakat fuqarolari o‘rtasidagi o‘zaro aloqa (G2C);
  
• 
  Hukumat muassasalari bilan biznes sub’ektlari o‘rtasidagi o‘zaro aloqa (G2B);
  

Mulkchilik, mansublilik munosabatlari va xokazolar emas, balki fuqaroviy-huquqiy, ijtimoiy munosabatlar tegishli o‘zaro hamkorliknin ustuvor mazmunini tashkil etadi.

AKTni joriy etish jarayonida Davlat boshqaruvi samaradorligini oshirish vazifasi quyidagi muammolarni hal etishga yunaltiradi:

• 
  umumiy vazifalarni hal etish maqsadida har hil hukumat to‘zilmalarining samaraliroq o‘zaro hamkorligini qay tarzda tashkil etish mumkin (G2G);
  
• 
  fuqarolarning manfaatlarini qanday qilib eng ko‘p darajada hisobga olish va tegishli Davlat muassasalarida ularga xizmat ko‘rsatish sifatini qanday qilib oshirish mumkin (G2C);
  
• 
  Davlatning biznes sub’ektlari bilan o‘zaro foydali munosabatlarini qanday qilib tashkil etish mumkin (G2B).
  

Davlat integratsiyalovchi funktsiyasini bajaradigan jamiyatning har hil sub’ektlari (G2G, G2C, G2B) o‘rtasidagi o‘zaro munosabatlar sxemasi yirik biznesda, ayniqsa zamonaviy gorizontal-integratsiyalashgan korporatsiyada o‘zaro hamkorlik tashkil etilishi sxemasida printsipial jihatdan hech bir farq qilmaydi.
Davlat boshqaruvida AKT – bu Davlat boshqaruv organlarida jami ichki va tashqi aloqalarni tegishli axborot-kommunikatsiya texnologiyalari bilan ko‘llab-quvvatlash va ta’minlash tizimidir.
Bunga quyidagilar kiritiladi:

• 
  kommunikatsiya tarmoqlari orqali axborotni qayta ishlash, o‘zatish va tarqatishning elektron vositalari (shu jumladan Internet) asosida Davlat boshqaruvini axborot kommunikatsiya texnologiyalari bilan ta’minlash;
  
• 
  Davlat hokimiyat i barcha tarmoqlari organlarining fuqarolarning barcha toifalariga elektron vositalar orqali xizmat ko‘rsatishi;
  
• 
  Davlat organlarining ishi to‘g‘risida fuqarolarga elektron vositalar orqali xabar berish¹.
  

2. Imzo va muhr. Ularning ahamiyati.

Imzo va uning ahamiyati. Imzo – hujjatning haqiqiyligini va yuborgan jismoniy shaxsga tegishli ekanligini tasdiqlaydigan insonning fiziologik xususiyati. Imzo orqali insonning shaxsi hamda u yozgan hujjatning haqiqiyligi aniqlanadi (14.1 – rasm).

14.1 – rasm. Imzo va muxr.
Muhr va uning ahamiyati. Muhr – hujjatning haqiqiyligini va biror bir yuridik shaxsga tegishli ekanligini tasdiqlovchi isbotdir. Muhrlar o‘zining alohida shakliga ega bo‘lib, asosan hujjatlarning va undagi imzolarning aslligini tasdiqlaydi.