Boshqarish tamoyillari va uslubi

Ijobiy fikrlash va qulay muhit tamoyilidan hamisha boshqaruvning boshqa tamoyillarini ham qо‘shgan xolda foydalaniladi. Bu tamoyil hamkasblarni qadrlash va xurmat qilish, ta’lim oluvchilar bilan hamkorlik munosabatini о‘rnatishga asoslanadi.
Vakolatni berish tamoyilidan, odatda, OTM bо‘linmalarida ular xodimlari kasbiy mukammallashuviga kо‘maklashish maqsadida foydalaniladi. Bu tamoyildan yana “aylanib qolish” usulini amalga oshirishda, о‘quv-tarbiya jarayonini boshqarishda qо‘llanadi (tarbiya о‘qituvchi vazifasini bajaradi).
Boshqaruv tamoyillari samarador majmuini tanlash-muvaffaqiyatga erishish garovi, xolos. Boshqaruv muvaffaqiyatining muhim omili rahbarlik uslubi hisoblanadi.
Odamlar bilan ishlay bilishlik rahbarning asosiy kasbiy da’vati hisoblanadi.
Rahbar uslubi rahbarning quyidagilarga qanchalik moyilligiga bog‘liq:

• 
  boshqa rahbarlar bilan xokimiyatni bо‘lisha olishligiga;
  
• 
  о‘ziga bо‘ysunuvchilar tadbirkorligiga va tashabbuskorligidan foydalana olishiga;
  
• 
  rahbarligidagilarga harakat rejasini ishlab chiqarish va amalga oshirishlikni ishonib topshirishga.
  

Bularga bog‘liq tarzda rahbarning tо‘rt xil uslubini kо‘zatish mumkin (1.1.1-ga qarang).

• 
  avtokratik;
  
• 
  byurokratik;
  
• 
  demokratik;
  
• 
  aristokratik.
  

Mak Gregor nazariyasi bо‘yicha rahbarning tо‘rt turi bо‘lishi mumkin:
-buyruqdor-xodimlar nima qilishi tо‘g‘risida farmoyish beradi (avtokrat uslubi);
-ma’lum qiluvchi-sabablarni kо‘rsatib, xodimlarga buyruq beradi (byurokratik uslub);
-konsultant – qaror qabul qilguncha yoki reja ishlab chiqquncha xodimlar maslaxatiga quloq soladi (demokratik uslub);
-hamkor-xodimlar harakat rejasi ishlab chiqish va amalga oshirishni ishonib topshiradi (demokratik uslub).