Бошқарув соҳасини такомиллаштиришда жамоатчилик фикрини ўрганишнинг аҳамияти

Ҳар бир жамият ўзи учун аҳамиятли қарашлар,рамзлар тизимига эга. Ахборот етказишда уларга эътибор бериш ахборот таъсирчанлигини оширади. Чунки рамзлар жамиятнинг қадриятлари негизида юзага келади. Шу боис,сиёсий курашларда жамият рамзларига асосланган ҳолда коммуникатив таъсир кўрсатишга катта эътибор берилади.

Қутблаштириш

Инқирозли вазиятларда ўта бурттирилган,ижобий ёки салбий ахборотларга,қарама – қарши фикрларга яъни ахборотни қутблаштиришга эҳтиёж сезилади.Қутблаштиришда кишилар онгида объект ҳақида ўта ижобий ёки ўта салбий тасаввур уйғотилади.

Ахборот иерархияси

Ахборот турларини танлашда А.Маслоу таклиф этган эҳтиёжлар классификациясига таяниш мумкин.Унга кўра,қуйи қатламларнинг ахборотга бўлган эҳтиёжини қондирмасдан туриб,юқори қатламларнинг ахборотга бўлган эҳтиёжи қондирилмайди.

Маслоунинг эҳтиёжлар иерархияси

Ўз имкониятларини ошириш
Ҳурматга эхтиёж
Мансубликка эҳиёж
Хавфсизликка эҳтиёж
Физиологик эҳтиёж

Сюжетлаштириш

Ахборот узатишда унинг бирор-бир сюжет асосида амалга оширилиши муҳим аҳамият касб этади.Бунда ахборот коммуникаторнинг стратегик ва тактик манфаатларига мос равишда ягона тизимга солинган,воқеалар кетма-кетлиги аниқ белгиланган тартибда узатилади.

Ахборот орқали таъсир кўрсатиш самарадорлигини оширишга хизмат қиладиган омиллар:

1.Ахборот мазмуни аниқ мақсадни ўзида ифодалаши зарур,чунки омманинг барча қатламлари ахборот олишга қизиқмайди;

2. Ахборот орқали таъсир кўрсатишда ахборотни етказиш билан қаноатланмай.шахслараро мулоқотни таъминлайдиган коммуникация турларини топиш;

3. Таъсир аудиториясини аниқ белгилаб,ушбу аудиториянинг демографик,психологик хусусиятларини эътиборга олиш зарур.

«Жамоатчилик билан алоқалар» технологияларининг моҳияти ва хусусиятлари қуйидагиларда намоён булади:
— давлат идоралари билан жамоатчилик ўртасидаги мулоқотларнинг ўзагини келишув ва ўзаро ҳамкорлик муҳити ташкил этади;
— «Жамоатчилик билан алоқалар» кишилар онгига, жамоатчилик фикрига таъсир кўрсатиш технологияси ҳисобланади;
— «Жамоатчилик билан алоқалар» жамоатчилик билан доимий мулоқот ўрнатиш мақсадида маълумот ва далиллар тўплаш, уларни таҳлил қилиш, ахборотни кишиларга таъсирчан тарзда етказиш каби вазифаларни амалга ошириш билан боғлиқ фаолиятдир;
— «Жамоатчилик билан алоқалар» хизматининг асосий вазифаси давлат дастурларини амалга оширишда, сиёсий қарорлар қабул қилишда фуқаролар билан давлат ўртасида келишув муҳитини шакллантиришга доир тавсиялар ишлаб чиқишдан иборат;
— «Жамоатчилик билан алоқалар» нафақат ташқи муҳит билан мулоқот ўрнатишга, балки давлат идораларининг ички алоқаларини таъминлашга ҳам хизмат қилади.