Маркетинг дастурларини шакллантириш ва амалга оширишда маркетинг тадқиқотларининг ахамияти

Вариант 4

1. 
   Маркетинг дастурларини шакллантириш ва амалга оширишда маркетинг тадқиқотларининг ахамияти.
   
2. 
   Маркетингнинг тасниф белгилари.
   
3. 
   Ишлаб чиқариш корхонасининг маркетинг фаолиятини бошқариш.
   

Маркетинг дастурларини шакллантириш ва амалга оширишда маркетинг тадқиқотларининг ахамияти.
Маркетинг тадқиқотларининг натижалари алмашиш ва таҳлил қилишнинг интеграциялашган ахборот жараёнига киритилган бўлса, муҳим аҳамиятга эга бўлади. Шу сабабли маркетинг ахборот тизимини шакллантириш зарурияти тадбиркорлик учун зарурий бўлган рентабеллик, шунингдек, мавжуд бирламчи ва иккиламчи маркетинг маълумотларининг кўп маротаба ва мақсадли ишлатилиши талабидан келиб чиқади. Асосланган бошқарувчилик қарорларини қабул қилиш учун корхонада маркетинг ахборот тизимини — маркетинг маълумотларини доимий йиғиш, саклаш ва ишлов бериш тизимини яратиш мақсадга мувофиқдир. У бошқарувчилик қарорларини ишлаб чиқиш учун зарур бўлган маълумотлар базасини шакллантиради.
Айтиш керакки, иқтисодий адабиётларда маркетинг ахборот тизимини шакллантиришга ягона ёндашув вужудга келди. Бундай маркетинг тизими асосий маркетинг маълумотлари — маркетинг тадқиқотлари натижалари, ташқи ва ички маркетинг ахборотлари, шунингдек, маркетингнинг асосий йўналишлари бўйича фаолият ҳақидаги маълумотлар — реклама, сотишни рағбатлантириш, корхонанинг сотиш ва нарх сиёсати бўйича маълумотларни ўз ичига олади.
Маркетинг ахборот тизмининг маълумотлари, одатда, конфиденциал ҳарактерга эга, чунки улар тижорат сиридир. Демак, тизим маълумотларини ва улар асосида қабул қилинадиган бошқариш қарорларини ҳимоялаш жараёни ишлаб чиқилиши керак.
Муаммо бўйича бошқарувчилик қарори. Маркетинг фаолиятининг асосий детерминантларига омилларнинг икки гуруҳи киради: фирманинг назорат қилинмайдиган, ёки ташқи ва назорат қилинадиган, ёки ички омиллари. Назорат қилинмайдиган омилларга фирма бозорда дуч келадиган чекловлар киради. Назорат қилинадиган омилларни тўртта кенг категорияларга бирлаштириш мумкин. Харидор назари билан қарасак, улар қуйидагиларга мос келади:
— товар ёки харидорнинг муаммосини «ҳал қилишга», яъни яратилган бойликлар тўпламига;
— нархга, танланган қарордан фойдаланиш учун харидор қиладиган харажатларга;
— жой ёки товарларни харидорлар учун қулайроқ кўринишда тақдим этишга;
— силжитишга ёки таклиф этиладиган товарнинг ижобий хусусиятлари ҳақида хабар берувчи коммуникацияларга.
Шундай қилиб, маркетингнинг бутун комплекси бўйича бошқарувчилик қарорлари корхона муҳитининг ҳам назорат қилинадиган, ҳам назорат қилинмайдиган омилари бўйича интеграллашиши керак.