Bolalar rivojlanishidagi nuksonlarning klinik asoslari

Vestibulyar analizator fiziologiyasi. Vestibulyar apparat muvozanat a’zosi hisoblanib, muskullar tonusini idora qiladi va gavdani ma’lum bir muvozanatda saqlaydi, gavda vaziyati hamda uning maqomdagi muvozanati haqidagi ma’lumotlarni miya po‘stlog‘iga yetkazib beradi. Vestibulyar apparat retseptorlarining ta’sirlanishi tufayli mushaklarda reflektor reaksiya sodir bo‘ladi, bu esa gavdani muvozanatda saqlab turishga sharoit yaratib beradi.Yarim halqa kanallar funksiyasi va dahliz xaltachalari funksiyalari farqlanadi. Otolit apparatidan reflekslar chiqishi mumkin. Bunday paytda og‘irlik kuchi yoki to‘g‘ri chiziqli tezlanish va ampuladan chiqqan burchakli tezlanishlar ta’siri adekvat ta’sirlar bo‘lib hisoblanadi.Yarim halqa kanallari ta’sirlanganidan ko‘ndalang targ‘il mushaklarda reflekslar – animal reaksiyalar kelib chiqadi, ular orasida: ko‘z, qo‘l-oyoq, tana-bo‘yin mushaklarida bo‘ladigan reflekslar farqlanadi. Ko‘z mushagida bo‘ladigan reflekslar nistagm paydo bo‘lishi – ko‘z olmasining ritmik tebranishi bilan ifodalanadi, bu – sust va tez componentlardan tashkil topadi.
Quloqni tekshirish usullari. Quloqni tekshirish anamnez to‘plashdan boshlanadi, so‘ngra uni ko‘zdan kechiriladi va eshituv funktsiyasi tekshiriladi. LOR a’zolarini mujassamlashgan holda tekshirishda quloqni ko‘zdan kechirishdan oldin hamisha burun va halqumni qarab chiqiladi.Bemorning shikoyatlarini aniqlashda quyidagilarga alohida ahamiyat beriladi:
Quloqda og‘riq bormi, bor bo‘lsa uning xarakteri qanday?
Yiring oqadimi?
Qulog‘i og‘irlashganmi yoki butunlay eshitmaydimi?
Qulog‘i shang‘illaydimi?
Boshi aylanadimi?
Bemorning o‘zini qanday his qilayotganini, bosh og‘rig‘i, et junjikishi bor yo‘qligini aniqlash ham katta ahamiyatga ega. Bemor qulog‘i og‘rishidan oldin griрp, o‘tkir tumov kabi kasalliklar bilan og‘rigan-og‘rimaganligini aniqlash zarur. Quloqni ko‘zdan kechirish deganda tashqi tomondan qarash, quloq va so‘rg‘ichsimon o‘siqni ushlab ko‘rish hamda tashqi eshituv va nog‘ora pardasini ko‘rish (otoskopiya) tushuniladi.