Bolalar rivojlanishidagi nuksonlarning klinik asoslari

Diagnostikasi. Hozirgi vaqtda eshitish a’zolarini tekshirishda ko‘p rejali tek-shiruvlar o‘tkazilmoqda. Bu tekshiruvga eshitish a’zolarini o‘tkazuvchi va eshitishni qabul qiluvchi yo‘llar faoliyatini vestibulyar analizatorini o‘rganish kiradi. Ya’ni qonning ivuvchanligini, yurak-tomir va jigar faoliyatini o‘rganish natijasida aniqlanadi. Profilaktikada eshituv a’zolari funksiyasini aniqlashda audiometrik va audilogik ko‘rsatkichlarni tahlil qilish kerak bo‘ladi. Shu bilan birga kamertonal sinamalar o‘tkazish, tonal audio-gramma yozish ham kerak bo‘ladi. Quloqning neyrosensor chala eshitmasligini tekshirish rejasiga impendansometriya usuli kiradi. Bu usul bilan eshituv suyakchalari zanjirining buzilishi, nog‘ora bo‘shlig‘ida ekssudat yig‘ilishi, eshituv yo‘llari funksiyasining buzilishi aniqlanadi.
Davolash: mikrosirkulatsiyani yaxshilaydigan vositalar antixolinesteraza preparatlari, antigistamin vositalar, biogen stimulatorlar, vitaminlar bilan davоlash kerak. Bundan tashqari, ionoforez, prozerinli ultrafonoforez, igna sanchib refleksoterapiya va giрerbarik oksigenatsiya o‘tkaziladi. Davo naf bermagan taqdirda quloqni eshituv apparatlari bilan protezlagan ma’qul. Davolash asosan klinik laboratoriya tekshiruvlari, individual tekshiruvlar asosida o‘tkaziladi. Kasalni davolash har bir kasallik kelib chiqishida, uning patonezi vaqtida o‘sha bemorda allergiya bor-yo‘qligini aniqlashdan iborat.
Menyer kasalligi. Kasallik fransuz shifokori nomi bilan atalib, labirintdagi endolimfa bosimining ortishi bilan bog‘liq bo‘lgan quloqning shang‘illashi, eshituvning yomonlashuvi, bosh aylanishi, muvozanatning buzulishi, ko‘ngil aynishi va qayt qilish bilan xarakterlanadi. Kasallik 30–60 yoshdagi odamlarda, ko‘proq ayollarda kuztiladi. Bu kasallik xurujining vaqti-vaqti bilan yuzaga chiqishi, remissiya davrida bemor ahvolining yaxshi bo‘lishi tashxis qo‘yilishida yordam beradi. Xuruj vаqtidagi qusish yengillik olib kelmaydi. Xurujlar haftada bir marta, oyda, yilda bir marta yoki kunda va bir kunda bir necha marta qaytarilishi mumkin. Kasallik ko‘pincha quloqda shovqin bo‘lishi bilan boshlanib, biroz vaqtdan so‘ng bunga vegetativ buzilishlar bilan birga sistemali bosh aylanish xurujlari qo‘shiladi. Xuruj vaqtida bemor majburiy holatda bo‘ladi: boshi yon tomonga egilgan, ko‘zi yumilgan, sog‘lom quloq tomoniga yo‘nalgan nistagm kuzatiladi.